Jôsuê 12:1 - Sơ̆p Hlabơar Nơ̆r 'Bok Kei-Dei

¹ Âu lu anăn pơtao kơ dêh char, mă Isơrael đei blah iŏk dêh char teh đak lu sư gah to kơ đak Krong Jôrđăn, đơ̆ng glung Arnôn, truh tơ kông Hermôn đĭ kơ thŭng dơnă gah hơlĕch Araba.

Jôsuê 12:1 Iomraidhean Croise

I Pot 4:19

Gêber kon drŏ-nglo Uri wei-lăng dêh char Gileat, 'nâu sơ̆ đêl dêh char Sihôn, khŭl bơngai Amôrit păng Ôk pơtao dêh char Basan. Minh 'nu sư đĕch pơgơ̆r đĭ lăm dêh char 'nâu.

Horiso 133:3

Kŭm thoi đak ngom tơ kông Hermôn. Ro jur tơ kông Siôn, Yua kơ tơ noh Kră Yang đei ăn boih tơdrong pŭn hiôk, Wă khan tơdrong arih ling-lang hlŏng hloi.

Horiso 136:21

Sư jao ăn teh đe noh kơ lu kon pơlei sư jang sa. Tơdrong 'mêm sư oei oei ling-lang.

Horiso 89:12

Ih pơjing boih yă-nơ̆m păng gơal Kông Ta'bor păng Hermôn hơri chơt hiôk kơ anăn Ih.

Êsai 16:2

Lu drŏ-kăn Môap tơ tơnŏk đak krong Arnôn gô đông nhen thoi sem păr tơklah tơklang, păng nhen thoi hơnar sem đe yuih lê̆ tơpu.

Jo 21:13

Đơ̆ng noh lu sư yak năm oei pơdơh tơ pah to đak krong Arnôn, oei tơ lăm char glă, să truh tơ char Amôrit; yua kơ đak Krong Arnôn hơdral hăm char Môap păng kon pơlei Amôrit.

Jo 21:21

Bơngai Isơrael wơh bơngai năm tơbăt ăn kơ Sihôn, pơtao bơngai Amôrit khan:

Jo 21:24

Isơrael iŏk đao gưm tơblah pơrăm na iŏk hloi char noh đơ̆ng đak Krong Arnôn truh tơ Krong Jabôk, truh tơ hơdral char kon pơlei Ammôn; yua kơ dur hơdral char lu kon pơlei Ammôn kơjăp.

Jo 32:19

Lu nhôn ưh kơ đei kiơ lăm kon pơlei Isơrael oei pah to đak Krong Jôrđăn dah oei ataih đơ̆ng noh yua kơ lu nhôn đei teh jang sa tơ pah âu kơ đak Krong Jôrđăn, tơ gah hơlĕch.

Jo 32:32

Lu nhôn gô chĕp đao hơlă tơmam tơblah tŏk yak rok anăp Kră Yang mơ̆t lăm dêh char Kanaan; mă-lei lu nhôn gô iŏk teh jang sa tơ pah âu đak Krong Jôrđăn.

Jo 32:33

Thoi noh, na Môis ăn kơ kon sâu Gat, kon sâu Rubên păng ăn minh puăt kơ kon sâu Manase, kon drŏ-nglo Jôsep, dêh char Sihôn, pơtao Amôrit păng dêh char Ôk pơtao char Basan, wă khan dêh char hăm pơlei tih sư păng lu pơlei iĕ lăm tơring oei tăp dăr.

Both 2:24

Iung bĕ, yak năm hlôi kơ đak glung Arnôn to;b Inh jao Sihôn, pơtao Hesbôn, bơngai Amôrit, hăm dêh lu sư lăm tơpang ti iĕm; pơtơm iŏk bĕ păng tơblah hăm lu sư.

Both 2:32

Kơplah noh, Sihôn păng đĭ-đăng kon pơlei sư lĕch wă tơ'bơ̆p păng tơblah hăm lu bơ̆n tơ pơlei Jahas.

Both 3:1

Kơplah noh lu bơ̆n wơ̆t hơlơ̆k rok trong char Basan păng Ôk pơtao char Basan iung blah bơ̆n, sư păng đĭ-đăng lu kon pơlei sư wă tơblah lu bơ̆n tơ Êdrei.

Both 4:44

'Nâu boih khôi juăt mă Môis tơ'bôh 'bơ̆t anăp kon pơlei Isơrael.

Both 4:46

Mă oei gah hơlĕch đak Krong Jôrđăn, lăm thŭng tơklă Bet Pêôr tơ dêh Sihôn, pơtao kon pơlei Amôrit, oei tơ pơlei Hesbôn, Môis păng kon pơlei Isơrael blah iŏk jei đơ̆ng rŏng lu sư lĕch đơ̆ng dêh Êyiptơ.

Both 4:48

Teh âu iŏk đơ̆ng pơlei Arôe jih thong đak Arnôn, truh tơ Kông Siriôn, wă khan kông Hermôn.

Jôsuê 1:15

dĭng dang yơ mă Kră Yang ăn tơdrong hiôk-hian kơ lu 'nhŏng oh iĕm thoi đei ăn boih kơ lu iĕm păng dĭng lu sư đei iŏk asong băl dêh char mă Kră Yang 'Bok Kei-Dei đei ăn kơ lu sư. Đơ̆ng noh lu iĕm gô wih tơ char lu iĕm kơdih, dêh char mă Môis đĭch đam Kră Yang đei ăn kơ lu iĕm gah âu kơ đak Krong Jôrđăn, gah măt 'năr lĕch, na lu iĕm gô iŏk teh noh pơm anih lu iĕm jang sa.

Jôsuê 11:17

Đơ̆ng kông Halak lĕch tơklă pơlei Sêir truh tơ pơlei Baal Gat lăm pŭng-lŭng Liban, tơ jơ̆ng kông Hermôn sư rôp pơđĭ lu pơtao char noh păng pơlôch đĭ lu sư.

Jôsuê 11:3

Đei wơh dơ̆ng năm tơ kon pơlei Kanaan gah hơlĕch păng gah bơmơ̆t, tơ kon pơlei Amôrit, Hêtit, Phêrêsit păng kon pơlei Jêbus, oei kơpal kông groi; păng năm truh tơ kon pơlei Hêwit, jê̆ jơ̆ng kông Hermôn, lăm tơring Mispa.

Jôsuê 13:8

Lu adrĕch Rubên, Gat păng minh puăt lăm adrĕch adrung Manase, đei iŏk boih teh đơ̆ng Môis đĭch đam Kră Yang đei asong ăn kơ lu sư, wă jang sa gah hơlĕch kơ đak Krong Jôrđăn.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Lu 11:18

Đơ̆ng noh lu sư wơ̆t năm rok trong tơmăn glă, dăr kơ dêh Eđôm păng dêh Môap; đơ̆ng noh lu sư năm truh tơ gah hơlĕch kơ dêh char Môap, lu sư pơm anih oei pơdơh tơ gah to kơ đak Krong Arnôn. Lu sư ưh kơ mơ̆t ôh tơ lăm char Môap, yua kơ đak Krong Arnôn noh sư hơdral dêh char Môap.