Jôsuê 11:4 - Sơ̆p Hlabơar Nơ̆r 'Bok Kei-Dei

⁴ Lu pơtao păng đĭ-đăng lu linh sư lĕch năm hơdai hăm kon pơlei lơ dêh đei aseh păng gre aseh lơ dêh tơpă nhen thoi chuơh cheng đak dơsĭ,

Jôsuê 11:4 Iomraidhean Croise

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

II Sam 17:11

“Na inh pơđâu khan kơ bơ̆n athei krao akŭm đĭ-đăng linh lăm kon pơlei Isơrael, iŏk ba dơ̆ng pơlei Đan truh tơ Bêrsêba, akŭm jum dăr kơ ih, lơ thoi chuơh đak dơsĭ, na ih kơdih gô pơgơ̆r lu sư năm tơblah.

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

Horiso 20:8

Lu đe noh kơdŭn pơ̆k hraih đang, Gah lu nhôn iung păng dơ̆ng tơpăt hloi.

Jôsuê 11:5

đĭ-đăng lu pơtao noh akŭm lu linh sư năm pơm anih hơdai tơ jê̆ đak dơnâu Mêrôm wă blah hăm kon pơlei Isơrael.

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.