Jôsuê 11:2 - Sơ̆p Hlabơar Nơ̆r 'Bok Kei-Dei

² Hăm lu pơtao oei tơ kơpal kông lăm char gah yă-nơ̆m păng oei lăm thŭng dơnă Araba gah gơal kơ đak Dơsĭ Kinêrot, tơring thŭng jơ̆ng kông gah bơmơ̆t păng tơ tơring kông groi kơjung tơ Naphot Đôr gah bơmơ̆t.

Jôsuê 11:2 Iomraidhean Croise

I Pot 15:20

Ben Hadat chu nơ̆r pơtao Asa, athei lu linh sư năm tơblah hăm lu kon pơlei Isơrael. Sư blah iŏk pơlei Ijôn, pơlei Đan, pơlei Abel Bet Maaka, đĭ char Kinêrot păng đĭ kơ char Naptali.

I Pot 4:11

Bên Abinađap wei-lăng đĭ-đăng lăm dêh char Naphot Dor; akăn sư Taphat, kon drŏ-kăn Sôlômôn.

Jo 34:11

đơ̆ng Sêpham jur truh tơ Ribla tơ gah hơlĕch kơ Ain; đơ̆ng noh jur tơ gah hơlĕch đak Dơsĭ Kinêret.

Luka 1:39

Lăp đơ̆ng rŏng kơ noh Mari năm tơ pơlei đe kiơ̆ kơpal groi kông lăm dêh char Juđê.

Luka 5:1

Minh năr ei Yêsu oei tơ jih đak dơsĭ Galilê mă đe kư̆m anăn dơsĭ Gênêsaret, na lu đe tơpôl hmĕt hmot Sư yua kơ wă mơ̆ng Sư bơtho tơdrong 'Bok Kei-Dei.

Jôsuê 10:40

Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 10:6

Kon pơlei bơngai Gibeôn wơh bơngai năm tơ Jôsuê lăm anih lu sư oei pơdơh tơ Gilgal: Apinh ih 'nĕ kơ achăng lê̆ đĭch đam ih, jah năm mă tĕnh bĕ dŏng pơklaih lu nhôn. Tơgŭm lu nhôn, yua kơ đĭ-đăng pơtao Amôrit oei lăm char groi kông wă năm blah lu nhôn.

Jôsuê 11:16

Thoi noh Jôsuê blah iŏk đĭ tơring, char âu, mă tơring gah kông groi, mă tơring gah gơal, mă tơring Gôsen, mă tơring kông groi gah bơmơ̆t. Lăm teh thŭng dơnă, mă tơring thŭng dơnă Araba tơring kông char Isơrael hăm teh thŭng jơ̆ng kông.

Jôsuê 11:21

Kơplah noh Jôsuê năm blah kon pơlei Anakim, oei tơ kơpal groi kông, tơ pơlei Hêbrôn, Đêbir, Anap, đơ̆ng jơ̆p kơpal kông groi Juđa, hăm kông groi Isơrael, Jôsuê blah pơlôch pơrăm lu sư, hăm lu pơlei tih lu sư hloi.

Jôsuê 12:23

Pơtao Đôr oei tơ tơring kông groi kơjung Đôr, pơtao Gôim oei tơ Gilgal.

Jôsuê 12:3

Sư kư̆m pơgơ̆r wei-lăng đĭ tơ lăm thŭng truh tơ đak dơsĭ Kinêrot gah hơlĕch thŭng đak Dơsĭ 'Boh, tơ gah hơlĕch kơ Bêt Jêsamôt, sư kư̆m wei-lăng truh lăm thŭng gah gơal jê̆ jơ̆ng kông Pisga,

Jôsuê 13:27

păng tơ lăm thŭng Bêt Haram, Bêt Nimra, Sukôt păng Saphôn noh jing teh oei lê̆ lăm char Sihôn, pơtao Hesbôn gah hơlĕch kơ đak Krong Jôrđăn să truh tơ tôch đak Dơsĭ Kinêret.

Jôsuê 17:11

Teh gah Isakar păng Aser kư̆m đei adrĕch Manase oei thoi pơlei Bêt Sêan. Pơlei Iblêam păng lu kon pơlei Đôr, kon pơlei Êndôr, kon pơlei Tanak, păng kon pơlei Mêgiđô, tơring mă pêng noh pơlei Naphot kiơ̆ kơ jô̆.

Lu 1:27

Bơngai Manase ưh kơ gơh puh lê̆ lu kon pơlei oei tơ Bêt Sêan păng pơlei oei jum dăr ưh kơ tam, kon pơlei oei tơ Tanak păng lu pơlei jum dăr kơ sư kư̆m ưh kơ tam, lu kon pơlei oei tơ Đôr păng pơlei oei jum dăr kơ sư, kon pơlei oei tơ Iblêam păng pơlei jum dăr kơ sư, pơlei oei tơ Mêgiđô păng rim pơlei mă sư pơgơ̆r, na sư kư̆m ưh kơ gơh pơpuh lê̆ tơ nai, yua kơ đei lu kon pơlei Kanaan oei tơ lăm lu pơlei ei.