Jôsuê 11:12 - Sơ̆p Hlabơar Nơ̆r 'Bok Kei-Dei

¹² Jôsuê rôp đĭ lu pơtao, koh pơlôch lu sư hăm đao gưm, blah iŏk đĭ pơlei tih lăm char âu kiơ̆ thoi Môis đĭch đam Kră Yang đei tơtă.

Jôsuê 11:12 Iomraidhean Croise

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Jôsuê 10:20

Thoi noh Jôsuê păng kon pơlei Isơrael blah pơlôch lơ tơpă mah wă goh, lu bơngai mă oei klaih, chă kơdâu ôn tơ lăm lu pơlei kơjăp.

Jôsuê 10:28

Kơplah năr noh, Jôsuê đei blah iŏk pơlei Makkêđa, iŏk đao pơlôch pơtao, sư pơlôch đĭ lu bơngai lăm pơlei noh, ưh kơ đei bu oei arih, lu sư pơm kơ pơtao pơlei Makkêđa kư̆m thoi sư pơm kơ pơtao pơlei Jêrikô.

Jôsuê 10:30

Kră Yang, jao ăn pơlei Lipna păng pơtao sư lăm ti lu bơngai Isơrael; na Jôsuê iŏk đao gưm pơrăm pơlôch lu bơngai lăm pơlei noh, sư ưh kơ đei rong bu arih, sư pơm kơ pơtao pơlei Lipna kư̆m thoi sư pơm kơ pơtao pơlei Jêrikô.

Jôsuê 10:32

Kră Yang jao pơlei Lakis lăm tơpang ti bơngai Isơrael, năr mă 'bar Jôsuê đei blah iŏk, yua đao gưm pơrăm păng pơlôch lu bơngai oei lăm pơlei noh kư̆m pơm lei-lăi thoi pơlei Lipna.

Jôsuê 10:35

Lăm năr noh mơ̆n lu sư blah iŏk pơlei, pơlôch pơrăm kon pơlei oei lăm pơlei noh hăm đao gưm, kư̆m thoi lu sư pơm kơ pơlei Lakis.

Jôsuê 10:37

blah iŏk pơrăm pơlôch pơlei noh hăm đao gưm păng pơlôch pơtao, hăm lu pơlei jê̆ pơlôch đĭ-đăng kon pơlei kư̆m thoi pơrăm pơlei Eglôn ưh kơ đei bu gơh oei arih.

Jôsuê 11:13

Mă-lei lu bơngai Isơrael, ưh kơ soh ôh pơlei oei tơ kơpal groi, Jôsuê đei soh pơlei Hasor đĕch.

Jôsuê 11:15

Kiơ̆ thoi Kră Yang tơtă ăn kơ Môis đĭch đam sư, Môis kư̆m tơtă ăn kơ Jôsuê păng Jôsuê pơm kiơ̆ ưh kơ đei glăi minh tơdrong kiơ, pơm kiơ̆ rim tơdrong Kră Yang tơtă kơ Môis,

Jôsuê 13:6

oei đei kon pơlei oei tơ char tơring kơpal kông, đơ̆ng Liban truh tơ Misrêpôtmaim, noh lu kon pơlei Siđôn. Inh gô puh tơweh lu sư, đơ̆ng anăp măt lu bơngai Isơrael. Ăn teh noh kơ Isơrael jang sa, kiơ̆ thoi inh đei tơtă boih kơ ih.

Jôsuê 21:44

Thoi noh Kră Yang ăn tơdrong pơdơh, hiôk-hian kiơ̆ thoi Kră Yang đei pơkă pơkăm hăm 'bok păng adrĕch adrung lu sư, ưh kơ đei lu ayăt ayơ mă gơh kĕ tơblah hăm lu sư. Kră Yang jao boih ăn đĭ-đăng lu ayăt lăm tơpang ti lu sư.

Jôsuê 8:31

Kiơ̆ thoi Môis, đĭch đam Kră Yang, đei bơtho pơkă boih kơ kon pơlei Isơrael, Jôsuê man pơdơ̆ng chơnang soi noh kiơ̆ trŏ thoi đei chih lăm sơ̆p hla bơar khôi juăt Môis pơkă man hăm minh pôm tơmo tih, ưh kơ yua hăm bơsei ôh, lu sư pơyơ̆r tơmam soi 'buh kơ Kră Yang păng pơyơ̆r tơmam soi apinh hiôk-hian tơ noh.

Jôsuê 8:8

Mưh lu iĕm đei iŏk boih pơlei, lu iĕm athei soh pơlei noh, athei pơm kiơ̆ thoi Kră Yang đei ată, lăng hŏ inh pơkă boih kơ lu iĕm,

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.