Jôsuê 11:11 - Sơ̆p Hlabơar Nơ̆r 'Bok Kei-Dei

¹¹ Jôsuê păng lu linh sư yua đao gưm koh pơlôch đĭ lu bơngai lăm pơlei ei, pă đei bu oei arih, Jôsuê soh pơđĭ pơlei Hasor.

Jôsuê 11:11 Iomraidhean Croise

Both 20:16

Mă-lei lăm pơlei lu adrĕch 'nâu, mă Kră Yang 'Bok Kei-Dei ăn boih kơ iĕm bơ̆jang sa, na iĕm athei pơlôch đĭ sem kiơ dui jơhngơ̆m.

Both 3:7

Mă-lei lu bơ̆n blah iŏk lu sem dơrong păng mŭk tơmam mă lu pơlei đêl tơblah jei bơ̆n.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Jôsuê 10:40

Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 6:21

Iŏk đao pơlôch đĭ bơngai lăm pơlei noh, drŏ-nglo, kră, hơ'lơ̆p, truh tơ sem dơrong: Rơmo, triu păng aseh iĕ.

Jôsuê 6:24

Đơ̆ng noh lu sư soh rông chhông đĭ hnam lăm pơlei păng đĭ lu tơmam lăm noh, Hu, Maih, kong, mam đĕch tah lăm hnam mong tơmam Kră Yang.