Jôsuê 10:8 - Sơ̆p Hlabơar Nơ̆r 'Bok Kei-Dei

⁸ Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Jôsuê 10:8 Iomraidhean Croise

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 3:2

Mă-lei Kră Yang khan kơ inh: Ih 'nĕ hli kơ sư ôh, yua kơ Inh jao sư, đĭ-đăng kon pơlei păng dêh sư lăm tơpang ti iĕm boih; iĕm gô pơm kơ sư kư̆m thoi iĕm pơm boih kơ Sihôn, pơtao đe Amôrit, mă oei tơ pơlei Hesbôn.

Both 7:24

Sư gô pơjao lu pơtao lăm tơpang ti iĕm, na iĕm gô sŭt đĭ anăn lu sư đơ̆ng ala teh âu; ưh kơ đei bơngai bu kĕ dơ̆ng 'bơ̆t anăp iĕm, dĭng truh tơ iĕm pơlôch đĭ lu sư.

Jôsuê 10:25

Jôsuê khan kơ lu sư, athei chơ̆n jơhngơ̆m nuih pran. 'Nâu boih Kră Yang wă pơm kơ đĭ-đăng bơngai ayăt kơ lu iĕm, mă lu iĕm wă blah.

Jôsuê 10:9

Jôsuê đơ̆ng Gilgal yak prăt măng truh tơblah pơm kơ lu ayăt kơdrăt.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 8:1

Kơplah noh, Kră Yang khan kơ Jôsuê: Ih 'nĕ kơ hli tơrơ, chông ba đĭ-đăng lu linh hơdai ih, iung năm blah bĕ pơlei Ahi, to Inh jao sư lăm tơpang ti ih, pơtao Ahi, kon pơlei sư, pơlei hăm tơring noh.

Lu 6:16

Kră Yang khan kơ sư: Inh gô oei hơdai ih, na ih gô blah kon pơlei Miđian jei ih thoi ih blah minh 'nu bơngai.

Lu 7:9

Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.