Jôsuê 10:41 - Sơ̆p Hlabơar Nơ̆r 'Bok Kei-Dei

⁴¹ Jôsuê blah iŏk, đơ̆ng pơlei Kađes Barnê truh tơ pơlei Gasa păng jơ̆p kơ tơring char Gôsen truh tơ pơlei Gibeôn.

Jôsuê 10:41 Iomraidhean Croise

Bl 10:19

Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

Sa 9:5

Pơlei Askalon gô 'bôh păng hli; Gasa kư̆m 'bôh păng jĭ lăm jơhngơ̆m ưh kơ sŭk; pơlei Ekrôn kư̆m lei-lăi, yua kơ dôm tơdrong sư chang hơmĕng gô hiong tôch; pơtao pơlei Gasa đe gô pơlôch păng pơlei Askalon gô pă đei kon pơlei oei.

Jo 13:26

Brŏk truh boih lu sư năm tơ Môis, Arôn păng đĭ khŭl adrĕch bơngai Isơrael, tơ Kades lăm char glă Pharan, lu sư roi ăn kơ bre sư păng đĭ-đăng kon pơlei băt păng tơ'bôh ăn plei 'long sa đơ̆ng lăm char noh.

Jo 32:8

Noh, yă 'bok lu iĕm kư̆m pơm thoi noh sơ̆ kơplah lu sư oei 'bơ̆t Kades Barnêa, inh wơh lu sư năm chop lăng dêh char.

Jo 34:4

Hơdral 'nâu rok dăr kơ kông Akrabim, gah Yin păng tơ'bưh gah gơal Kades Barnêa; đơ̆ng noh truh tơ Hasar Ađar hơloh truh tơ Asmôn;

Jang 8:26

Na gah Philip dơ̆ng, linh jang 'lơ̆ng 'Bok Kei-Dei khan kơ sư thoi âu: “Ih năm tơ gah gơal Pơlei Jêrusalem hŏ, gah trong char glă chơngue mă jur đơ̆ng Pơlei Jêrusalem truh tơ Pơlei Gasa.”

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 2:23

Bĕ gah kon pơlei Awim, oei đơ̆ng lăm lu pơlei iĕ truh tơ pơlei Gasa, kon pơlei Kaptorim, oei đơ̆ng char Kaptôr pơrăm lu sư na oei hloi tơ noh.

Both 9:23

Kơplah Kră Yang athei lu iĕm weh đơ̆ng Kades Barnêa, pơkă khan: Năm iŏk bĕ dêh mă Inh ăn kơ lu iĕm, mă-lei lu iĕm blah plơ̆ Kră Yang 'Bok Kei-Dei lu iĕm tơtă, ưh kơ lui kơ Sư păng ưh kơ chu mơ̆ng kiơ̆ nơ̆r Sư ôh.

Jôsuê 10:12

Lăm năr Kră Yang jao kon pơlei Amôrit lăm ti bơngai Isơrael, Jôsuê pơma dơnuh hăm Kră Yang 'bơ̆t anăp lu kon pơlei Isơrael: Ơ Măt 'năr, dơ̆ng bĕ 'bơ̆t pơlei Gibeôn; Ơ Măt khei, dơ̆ng bĕ 'bơ̆t Thŭng Aijalôn!

Jôsuê 10:2

Pơtao păng đĭ kon pơlei hli dêh, yua kơ pơlei Gibeôn pơlei tih, pơlei pơtao yŏng mơng tih hloh kơ pơlei Ahi, lu kon drŏ-nglo kon pơlei lu sư nuih pran kơtang.

Jôsuê 11:16

Thoi noh Jôsuê blah iŏk đĭ tơring, char âu, mă tơring gah kông groi, mă tơring gah gơal, mă tơring Gôsen, mă tơring kông groi gah bơmơ̆t. Lăm teh thŭng dơnă, mă tơring thŭng dơnă Araba tơring kông char Isơrael hăm teh thŭng jơ̆ng kông.

Jôsuê 11:22

Ưh pă đei minh 'nu bu bơngai Anakim oei hơdai lăm char lu bơngai Isơrael; oei đei đăi arih lăp lu bơngai lăm pơlei Gasa, pơlei Gat păng lăm pơlei Asdôt.

Jôsuê 15:51

Gôsen, Hôlôn, Gilô: Đĭ-đăng mơjĭt-mônh tŏ pơlei tih hăm lu pơlei iĕ lu sư.

Lu 16:1

Samsơn năm tơ pơlei Gasa, 'bôh minh 'nu adruh đi tơ noh. Sư mơ̆t tep hloi lăm hnam adruh ei.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

I Sam 6:17

'Nâu pơđăm tŏ rup pơtôch pơm hăm maih bơngai Philistin pơyơ̆r ăn kơ Kră Yang pơm tơmam soi huai yoch dơ̆ng glăi. Minh pơm kơ pơlei Asdôt, minh pơm kơ pơlei Gasa, minh pơm kơ pơlei Askalon, minh pơm kơ pơlei Gat, minh pơm kơ pơlei Ekrôn.