Jôsuê 10:40 - Sơ̆p Hlabơar Nơ̆r 'Bok Kei-Dei

⁴⁰ Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 10:40 Iomraidhean Croise

I Pot 15:29

Lăp sư 'nao pơm pơtao, sư pơlôch pơđĭ lu bơngai gah adrĕch hnam Jêrôbôam, ưh kơ lê̆ minh 'nu bơngai bu arih, lăm hnam dơnŏ Jêrôbôam sư kư̆m pơlôch pơđĭ kiơ̆ thoi nơ̆r Kră Yang yua 'bơ̆r Ahija đĭch đam Sư pơlei Silô.

Ne 9:24

Thoi noh kon sâu lu sư mơ̆t păng iŏk dêh char, Ih pơlung lu kon pơlei dêh Kanaan, pơjao kon pơlei noh păng lu pơtao dêh noh hăm lu kon pơlei lăm tơpang ti lu sư pơgơ̆r mơ̆ng kơ lu sư wă.

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

Jo 13:17

Thoi noh, Môis wơh lu sư năm chop dăr lăng char Kanaan păng pơkă khan: Đơ̆ng âu tŏk năm bĕ tơ thŭng glă gah gơal păng năm tŏk tơ gah groi kông;

Both 1:7

Năm bĕ yak dăr dơ̆ng năm tơklă tơ kông groi kon pơlei Amôrit kư̆m năm truh tơ lu tơring jê̆ lu sư lăm thŭng glă Araba păng tơ kông groi bơmơ̆t teh dơnă tơ tơring gah gơal rok cheng đak dơsĭ, mơ̆t tơ dêh kon pơlei Kanaan păng char Liban, truh tơ đak krong tih noh krong Ơphrat.

Both 2:34

Kơplah noh bơ̆n iŏk đĭ lu pơlei tih sư, pơrăm đĭ lu pơlei tih păng pơrăm đĭ-đăng drŏ-nglo, drŏ-kăn păng lu kon hơ'lơ̆p, ưh kơ đei lê̆ minh 'nu bu.

Both 7:24

Sư gô pơjao lu pơtao lăm tơpang ti iĕm, na iĕm gô sŭt đĭ anăn lu sư đơ̆ng ala teh âu; ưh kơ đei bơngai bu kĕ dơ̆ng 'bơ̆t anăp iĕm, dĭng truh tơ iĕm pơlôch đĭ lu sư.

Jôsuê 10:35

Lăm năr noh mơ̆n lu sư blah iŏk pơlei, pơlôch pơrăm kon pơlei oei lăm pơlei noh hăm đao gưm, kư̆m thoi lu sư pơm kơ pơlei Lakis.

Jôsuê 10:37

blah iŏk pơrăm pơlôch pơlei noh hăm đao gưm păng pơlôch pơtao, hăm lu pơlei jê̆ pơlôch đĭ-đăng kon pơlei kư̆m thoi pơrăm pơlei Eglôn ưh kơ đei bu gơh oei arih.

Jôsuê 10:39

Lu sư blah iŏk pơlei noh păng lu pơlei jê̆, kư̆m rôp pơtao pơlôch hăm đao gưm păng pơlôch đĭ-đăng lu bơngai oei lăm pơlei noh ưh kơ đei lê̆ bu oei arih, sư pơm kơ kon pơlei Đêbir păng pơtao lu sư, kư̆m nhen thoi sư pơm kơ pơlei Hêbrôn pơlei Lipna hăm pơtao sư.

Jôsuê 11:16

Thoi noh Jôsuê blah iŏk đĭ tơring, char âu, mă tơring gah kông groi, mă tơring gah gơal, mă tơring Gôsen, mă tơring kông groi gah bơmơ̆t. Lăm teh thŭng dơnă, mă tơring thŭng dơnă Araba tơring kông char Isơrael hăm teh thŭng jơ̆ng kông.

Jôsuê 12:8

Gah groi kông, gah thŭng dơnă, jơ̆ng kông gah gơal, gah Araba, gah tơring kơpal kông, gah tơmăn bri păng gah gơal, noh wă khan tơring kon pơlei Hêtit, kon pơlei Amôrit kon pơlei Kanaan, kon pơlei Phêrêsit, kon pơlei Hêwit păng kon pơlei Jêbus.

Jôsuê 18:21

Đĭ-đăng lu pơlei kơ adrĕch Bênjamin, kiơ̆ kơ lu adrĕch adrung lu sư, đei noh pơlei: Jêrikô, Bêt Hôgla, Êmek Kêsis,

Jôsuê 6:17

Pơlei păng tôm tơmam lăm noh, athei pơyơ̆r kơ Kră Yang nhen thoi tơmam trŏ kơ pơlôch pơrăm; lăp minh 'nu Rahap drŏ-kăn đi păng đĭ-đăng bơngai oei lăm hnam sư đĕch gô arih, yua kơ sư đei ôn boih bre 'bar 'nu bơngai năm chop lăng mă inh đei wơh.

Jôsuê 8:2

Ih blah pơm bĕ kơ pơlei Ahi, hăm pơtao, sư thoi ih pơm boih kơ pơlei Jêrikô păng pơtao sư, pha 'biơ̆ minh tơdrong, lu iĕm gơh iŏk yua kơdih sem dơrong lu sư, hăm dôm tơmam iĕm blah iŏk. Răp bĕ tơ gah rŏng kơ pơlei.

Jôsuê 8:27

Kon pơlei Isơrael blah iŏk kơdih lu sem dơrong păng lu mŭk tơmam pơlei âu, trŏ thoi Kră Yang pơkă boih kơ Jôsuê:

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.