Jôsuê 10:4 - Sơ̆p Hlabơar Nơ̆r 'Bok Kei-Dei

⁴ Lu iĕm tŏk dŏng inh bĕ, bơ̆n năm tơblah pơlei Gibeôn, yua kơ lu sư đei pơgơ̆p hơdai hăm Jôsuê păng kon pơlei Isơrael.

Jôsuê 10:4 Iomraidhean Croise

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Yo 15:19

Dah iĕm khŭl bơngai ala teh âu, lei tơduă iĕm ala teh âu 'mêm mơnat dih băl. Mă-lei Inh rơih iŏk iĕm đơ̆ng khŭl ala teh âu na lu sư lăng iĕm thoi lĕ ưh kơ dih bôl. Kơlih kơ thoi noh na lu sư hil areh kơ lu iĕm.

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

II Tim 3:12

Dôm lu bơngai mă gơnang kơ Kră Yang Yêsu Krist wă pơm đon 'lơ̆ng tơpăt, lu sư gô đei tơdrong đe areh pơm kơnê̆ kơ lu sư.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

Jôsuê 10:1

Adônisêdek, pơtao pơlei Jêrusalem, kơtơ̆ng khan Jôsuê blah iŏk boih pơlei Ahi păng pơrăm pơlôch đĭ, pơm kơ pơlei păng pơtao sư, thoi sư đei pơm kơ pơlei Jêrikô păng kơ pơtao sư păng kư̆m kơtơ̆ng kon pơlei Gibeôn pơgơ̆p hiôk-hian hăm kon pơlei Isơrael boih păng oei hơdai lu sư.

Jôsuê 10:5

Thoi noh pơđăm 'nu pơtao bơngai Amôrit, wă khan pơtao pơlei Jêrusalem, pơtao pơlei Hêbrôn, pơtao Jarmut, pơtao Lakis păng pơtao pơlei Eglôn, akŭm đĭ-đăng lu linh sư tŏk năm hơdai wă năm blah Gibeôn,

Jôsuê 9:15

Jôsuê pơm tơdrong hiôk păng pơgơ̆p hăm lu sư păng lê̆ lu sư oei arih. Lu kră pơgơ̆r lăm khŭl akŭm pơkă pơkăm hăm lu sư.

I Pet 4:4

Lu sư 'bôh iĕm ưh pă kiơ̆ thoi lu sư boih, na lu sư lăng iĕm hlĭch tơpă păng che bơle kơ iĕm.

Tơdrông Tơ'bôh 16:14

Pêng 'nu yang noh yang kơnê̆ ngăl, lu sư kư̆m gơh pơm tơdrong hlĭch hlăch mơ̆n. Păng lu sư năm jơ̆p kơ teh đak krao akŭm lu 'bok pơtao tơblah hăm 'Bok Kei-Dei kơplah năr 'Bok Kei-Dei hăt kơ tơblah tơblŭng hơlŭng pơdang, mơsêh tăp pang mơyang tăp dăr tôch 'bơ̆t Sư boih.