Jôsuê 10:30 - Sơ̆p Hlabơar Nơ̆r 'Bok Kei-Dei

³⁰ Kră Yang, jao ăn pơlei Lipna păng pơtao sư lăm ti lu bơngai Isơrael; na Jôsuê iŏk đao gưm pơrăm pơlôch lu bơngai lăm pơlei noh, sư ưh kơ đei rong bu arih, sư pơm kơ pơtao pơlei Lipna kư̆m thoi sư pơm kơ pơtao pơlei Jêrikô.

Jôsuê 10:30 Iomraidhean Croise

II Pot 10:11

Jêhu kư̆m pơlôch đĭ lu adrĕch Ahap mă oei oei lăm Pơlei Jêsreel, pơlôch hloi kuan tih, lu buăl juăt sư ngơ-ngei, păng lu 'bok soi tơm sư, ưh pă đei lê̆ minh 'nu bu hloi.

Jo 32:22

păng tơdah dơning dơmônh char 'nâu blah iŏk 'bơ̆t anăp Kră Yang boih, iĕm wih brŏk 'bơ̆t anăp Kră Yang hăm kon pơlei Isơrael, lu iĕm ưh pă đei pơma kiơ păng teh âu gô jing teh iĕm jang sa 'bơ̆t anăp Kră Yang.

Both 2:33

Mă-lei Kră Yang 'Bok Kei-Dei bơ̆n jao sư kơ lu bơ̆n; kon drŏ-nglo hăm đĭ-đăng lu kon pơlei sư tơblah jei bơ̆n.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Jôsuê 10:28

Kơplah năr noh, Jôsuê đei blah iŏk pơlei Makkêđa, iŏk đao pơlôch pơtao, sư pơlôch đĭ lu bơngai lăm pơlei noh, ưh kơ đei bu oei arih, lu sư pơm kơ pơtao pơlei Makkêđa kư̆m thoi sư pơm kơ pơtao pơlei Jêrikô.

Jôsuê 10:29

Jôsuê hăm đĭ-đăng lu linh Isơrael đơ̆ng pơlei Makkêđa năm tơblah hăm pơlei Lipna.

Jôsuê 10:31

Jôsuê hăm lu bơngai Isơrael năm kiơ̆ sư đơ̆ng pơlei Lipna, năm tơ pơlei Lakis, pơm anih hăm kơđông linh wă blah hăm pơlei noh.

Jôsuê 11:12

Jôsuê rôp đĭ lu pơtao, koh pơlôch lu sư hăm đao gưm, blah iŏk đĭ pơlei tih lăm char âu kiơ̆ thoi Môis đĭch đam Kră Yang đei tơtă.

Jôsuê 12:15

Pơtao Lipna, pơtao Ađulam.

Jôsuê 8:24

Đang kơ lu linh Isơrael pơlôch đĭ boih bơngai pơlei Ahi, lăm anih thŭng glă mă lu đei druh, lu sư pơlôch đĭ hăm đao gưm boih, lu linh Isơrael wih mơ̆t tơ pơlei Ahi păng pơlôch pơđĭ lu bơngai mă oei arih lăm pơlei.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.

Jôsuê 9:3

Lăp kon pơlei Gibeôn kơtơ̆ng khan Jôsuê blah pơlei Jêrikô păng pơlei Ahi,