Jôsuê 10:26 - Sơ̆p Hlabơar Nơ̆r 'Bok Kei-Dei

²⁶ Đơ̆ng noh Jôsuê pơlôch đĭ pơtao, athei đe hơtol kâu pơđăm 'nu pơtao noh tơ kơpal 'long, hơtol pơđăm 'nu pơtao noh truh kơsơ̆.

Jôsuê 10:26 Iomraidhean Croise

II Sam 21:6

Apinh pơtao pơjao ăn kơ lu nhôn tơpơh 'nu kon sâu bơngai noh, wă kơ lu nhôn hrek hơtol lu sư 'bơ̆t anăp Kră Yang, tơ Gibêah, pơlei pơtao Sôl, pơtao mă Kră Yang rơih?” Pơtao tơl: “Inh gô jao lu sư ăn kơ lu iĕm”

II Sam 21:9

Pơtao pơjao lu sư kơ bơngai Gibeôn. Lu sư hrek hơtol lu đe noh tơ kơpal groi, 'bơ̆t anăp Kră Yang, tơpơh 'nu bơngai noh lôch hơdai minh 'măng. Đe pơlôch lu sư trŏ kơ năr bơyan yuă 'ba blŭng-a, lăp đe 'nao yuă 'ba tơ'bâu.

Esther 2:23

Đe chă apinh lăng tơdrong noh trŏ thoi ei tơpă na đe chô̆ atol hơko bre sư tơ 'long gơ̆ng kơjung. Tơdrong noh đe đei chih răk lăm sơ̆p hla bơar hơ'mon tơdrong jang pơtao, 'bơ̆t anăp pơtao.

Horiso 149:7

Wă kơ blah tơwih lu teh đak, wă phak pơmat lu kon pơlei.

Horiso 18:41

Lu sư ôr krao, mă-lei ưh kơ đei bu dŏng; Lu sư krao chă Kră Yang, mă-lei Sư ưh kơ tơl tơwih.

Jo 25:4

Kră Yang khan kơ Môis thoi âu: Rôp đĭ-đăng lu yŏng pơgơ̆r kon pơlei păng hrek atol lu sư 'bơ̆t tŏ, anăp Kră Yang wă kơ tơdrong Kră Yang hil mĭl weh đơ̆ng Isơrael.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Yo 19:31

Lu bơngai Juđê năm apinh Pilat wă gơ̆ lê̆ jơ̆ng lu bơngai mă đêl pơ̆ng tơ 'long pơglang, wă kơ lu sư jah lôch na gơh tơjur 'bŭ atâu lu sư. Lu sư pơm thoi noh hơdrol kơ năr pơdơh Sa'bat, kơlih kơ năr Sa'bat lu sư kuă kơ lê̆ atâu tơ kơpal 'long pơglang, kơlih kơ năr Sa'bat 'noh năr lu sư khan năr kăl hloh tơpă, yua kơ trŏ năr pơm giĕng.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.

Lu 8:21

Sêba păng Salmuna khan: Iung bĕ; ih kơdih pơlôch nhi yua kơ bơngai liơ đei jơhngơ̆m pran thoi noh. Giđêôn sư iung hloi, pơlôch Sêba păng Salmuna; na iŏk tơmam bre sư tơ'băk kơ ako aseh lăk-đa.

I Sam 15:33

Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.