Jôsuê 10:25 - Sơ̆p Hlabơar Nơ̆r 'Bok Kei-Dei

²⁵ Jôsuê khan kơ lu sư, athei chơ̆n jơhngơ̆m nuih pran. 'Nâu boih Kră Yang wă pơm kơ đĭ-đăng bơngai ayăt kơ lu iĕm, mă lu iĕm wă blah.

Jôsuê 10:25 Iomraidhean Croise

Horiso 63:9

Lu đe bu chă wă pơrăm tơdrong arih inh. Gô jur tơ jrŭ ala teha sŭng.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!