Jôsuê 10:13 - Sơ̆p Hlabơar Nơ̆r 'Bok Kei-Dei

¹³ Thoi noh Măt 'năr oei dơ̆ng minh 'bôt hăm măt khei dơ̆ng hloi, dĭng truh kơ kon pơlei Isơrael blah tơwih lu ayăt kơ lu sư, đang boih tơdrong noh đei chih lăm sơ̆p hla bơar Jashar. Măt 'năr oei dơ̆ng hloi tơ plĕnh, ưh kơ mơ̆t, lăm minh năr noh.

Jôsuê 10:13 Iomraidhean Croise

II Sam 1:18

Đawit bơtho tơ'blŏk kơ lu kon pơlei bơngai Juđa 'bai hơri hơ'ngon gah Hră jŭk, mă đe gô chih răk lăm sơ̆p hla bơar roi gah Bơngai 'lơ̆ng tơpăt (Jashar)

II Pot 20:10

Hesekia tơl: “Yơ̆p ngôi pơ̆k thim năm tơ anăp mơjĭt yak ưh kơ anat kiơ ôh; inh apinh lê̆ sư păk hơlơ̆k tơ rŏng mơjĭt yak đĕch 'lơ̆ng hloh.”

Esther 8:13

Minh hlak hla bơar plơ̆ng chih rok nơ̆r pơtao gơih ăn kơ rim tơring char rim adrĕch băt wă kơ lu bơngai Juđa gô hơmet lăm năr noh wă pơm 'mong tơiung kơting đơ̆ng lu ayăt pơm.

Jop 9:7

Sư tơtă kơ măt 'năr 'nĕ kơ lĕch Sư găn lê̆ lu sơnglŏng

Horiso 148:3

Ơ măt năr, măt khei hơri ư-ang bĕ kơ Sư. Ơ lu tăl sơnglŏng rang hơdah, bơnê ư-ang bĕ kơ Sư;

Horiso 19:4

Mă-lei nơ̆r lu sư pơma truh jơ̆p-jang kơ teh đak, Păng nơ̆r lu sư kơtơ̆ng truh tôch teh đak.b Tơ plĕnh Kră Yang pơm hnam bơsŭn ăn kơ măt 'năr boih;

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 38:8

Inh gô pơm kơ ngôi măt 'năr pơchrang kơpal kơnao kung, gô kơdŭn tơ rŏng mơjĭt kơnao, ngôi mă măt 'năr pơchrang tơ kơpal kơnao kung Ahas” thoi noh ngôi mă đơ̆ng măt 'năr pơchrang kơdŭn tơ rŏng dơ̆ng mơjĭt juă, mă đêl măt 'năr đĭ năm hlôi bơih.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Jôel 3:15

Măt 'năr măt khei jing măng mu, lu sơnglŏng pă hơdah dơ̆ng.

Habakuk 3:11

Măt 'năr măt khei dơ̆ng kơtă anih lu sư; Yua kơ đei 'bôh lu 'brơ̆m Ih prah păng rang hơdah đơ̆ng lu đao tơju hơlă Ih, chêr char thoi kơmlat.

Jo 21:14

Yua kơ noh đe đei chih boih sơ̆p hla bơar anăn Tơdrong Kră Yang Tơblah khan thoi âu: Wahep oei lăm Supha păng lăm thŭng đak Krong Arnôn,

Jo 31:2

Năm blah bĕ adrĕch Madian pơm 'mong ăn kơ adrĕch bơngai Isơrael; đơ̆ng noh na ih gô wih brŏk hơdai 'bok yă.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Luka 18:7

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh?

Jang 2:20

Măt 'năr jing măng mu, măt khei wă jing thoi pham, hơdrol kơ năr 'lơ̆ng, năr đe pơư pơang anăn 'Bok Kei-Dei tam mă truh.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Jôsuê 10:14

Đơ̆ng sơ̆ ưh tam biơh khơ̆ ning-mônh ưh kơ đei layơ thoi năr noh, 'noh jing năr Kră Yang mơ̆ng nơ̆r kon bơngai. Tơpă Kră Yang tơblah dŏng kon pơlei Isơrael.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

Tơdrông Tơ'bôh 6:12

Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Tơdrông Tơ'bôh 8:12

Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.

Lu 16:28

Samsơn krao khan: Ơ Kră Yang Tih Hloh, apinh Ih 'blŏk kơ inh. Ơ Kră Yang 'Bok Kei-Dei, inh apinh Ih ăn kơ inh đei jơhngơ̆m pran pă minh 'măng wă kơ inh pơm tơwih 'mong plơ̆ kơ lu bơngai Philistin yua kơ 'bar pah măt inh.

Lu 5:2

Kơplah lu 'bok pơgơ̆r wei-lăng lăm bơngai Isơrael, Păng kơplah kon pơlei pơla pơyơ̆r akâu lu sư hăm jơhngơ̆m hiôk! Kơkuh hơri ư-ang Kră Yang.