Jôsuê 1:9 - Sơ̆p Hlabơar Nơ̆r 'Bok Kei-Dei

⁹ Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 1:9 Iomraidhean Croise

Bl 28:15

'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.

Bl 39:2

Jôsep oei tơ lăm hnam dơnŏ tơ'ngla sư bơngai Êyiptơ đei Kră Yang tơgŭm, na jing tơdrong jang sư 'lơ̆ng đei yua.

Bl 39:3

Yŏng tơ'ngla sư 'bôh đei Kră Yang tơgŭm tôm tơdrong jang sư, na tơdrong jang sư pơm keh 'lơ̆ng ngăl.

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

II Ho 15:7

Mă-lei lu iĕm athei đei jơhngơ̆m nuih pran, ti lu iĕm 'nĕ pă rơdu achăng, yua kơ dôm tơdrong jang iĕm pơm gô đei yua.”

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Êsai 8:12

Sư khan: “'Nĕ kơ pơma 'bơm wă blah, dôm lu tơdrong kon pơlei âu pơma 'bơm blah plơ̆. 'Nĕ kơ hli tơdrong lu sư hli păng 'nĕ kơ tơrơ ôh.

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

Hagai 2:5

‘Nơ̆r pơgơ̆p mă Inh đei pơkă hăm lu iĕm, kơplah iĕm lĕch hloi đơ̆ng dêh char Êyiptơ hăm Yang Bơhngol Inh oei hơdai iĕm. 'Nĕ kơ hli ôh.’

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

Both 1:21

To, Kră Yang 'Bok Kei-Dei ih pơjao boih dêh âu kơ ih; năm tŏk bĕ, iŏk dêh noh, kiơ̆ thoi Kră Yang 'Bok Kei-Dei 'bok iĕm đei khan boih kơ lu iĕm; 'nĕ kơ rơdu 'nĕ kơ hli.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Both 31:28

Krao pơpôi akŭm bĕ lu kră đơ̆ng rim khŭl adrĕch adrung lu iĕm păng lu kră pơgơ̆r lu iĕm, đơ̆ng rim kơ adrĕch bơngai; wă kơ inh roi kơ lu sư kơtơ̆ng mơ̆ng lăm đon lu sư dôm lu nơ̆r 'nâu păng Inh wă apinh plĕnh păng teh pơm kơdranh chrih blah plơ̆ hăm lu sư.

Jôsuê 1:10

Thoi noh Jôsuê athei lu bơngai mă wei-lăng lu kon pơlei pơla

Jôsuê 1:17

Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.

Jôsuê 1:18

Bơngai bu ưh kơ chu pơm kiơ̆ nơ̆r ih bơtho pơkă păng dôm tơdrong jang kiơ ih athei, lu bơngai noh gô pơlôch sư, ih athei chơ̆n jơhngơ̆m nuih pran.”

Jôsuê 10:25

Jôsuê khan kơ lu sư, athei chơ̆n jơhngơ̆m nuih pran. 'Nâu boih Kră Yang wă pơm kơ đĭ-đăng bơngai ayăt kơ lu iĕm, mă lu iĕm wă blah.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Jôsuê 3:7

Kră Yang khan kơ Jôsuê: Dang ei Inh gô pôk pơyom ih 'bơ̆t anăp lu bơngai Isơrael, wă kơ lu sư băt Inh Kră Yang oei hơdai ih, thoi Inh đei oei hơdai hăm Môis sơ̆.

Jôsuê 6:27

Kră Yang oei hơdai Jôsuê, đe ư-ang anăn sư jơ̆p-jang lăm char sư.

Jôsuê 8:1

Kơplah noh, Kră Yang khan kơ Jôsuê: Ih 'nĕ kơ hli tơrơ, chông ba đĭ-đăng lu linh hơdai ih, iung năm blah bĕ pơlei Ahi, to Inh jao sư lăm tơpang ti ih, pơtao Ahi, kon pơlei sư, pơlei hăm tơring noh.

Lu 6:14

Kră Yang wih lăng tơ sư păng khan: Năm bĕ yua hăm jơhngơ̆m pran kơtang ih đei boih năm dŏng pơklaih lu bơngai Isơrael đơ̆ng ti kon pơlei Miđian. Hăm trŏ Inh oei wơh ih năm dah ưh?

I Sam 10:7

Kơplah ih 'bôh dôm tơdrong tơdra âu truh, na ih athei pơm kiơ̆ trŏ dôm tơdrong sư tơ'bôh. Ih gô băt Kră Yang 'Bok Kei-Dei oei hơdai ih!