Jôsuê 1:8 - Sơ̆p Hlabơar Nơ̆r 'Bok Kei-Dei

⁸ Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Jôsuê 1:8 Iomraidhean Croise

Bl 24:63

Til kơsơ̆ sư lĕch năm tơ jih, wă kơ tơchĕng lăm đon; tơmang đei 'bôh lu aseh lăk-đa truh ưh kơ băt đơ̆ng yơ.

II Ho 26:5

Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 119:15

Inh oei tơchĕng ling-lang kơ tơdrong juăt ih. Lăng kơchăm lăng tơ trong Ih.

Horiso 119:97

Inh 'mêm kơ khôi juăt Ih dêh! Prăt năr inh tơchĕng kơ khôi juăt noh.

Horiso 119:99

Inh đei đon hơgei hloh kơ lu bơngai bơtho inh. Yua kơ inh tơchĕng lu tơdrong đêl Ih bơtho khan.

Horiso 19:14

Ăn kơ nơ̆r pơma đơ̆ng 'bơ̆r inh, Ơ Kră Yang Ih jơ̆ thoi tơmo pĕng inh, Păng jơ̆ Kră Yang dŏng pơklaih inh, Hăm tơdrong tơchĕng đơ̆ng lăm jơhngơ̆m inh jing 'lơ̆ng pơm kơ Ih lăp đon!

Horiso 40:10

Inh ưh kơ đei ôn tơdrong tơpăt Ih lăm jơhngơ̆m inh, Inh roi tơbăt boih 'lơ̆ng tơpăt păng tơdrong Ih dŏng pơklaih, Inh ưh kơ đei ôn lăm năr akŭm tih gah tơdrong Ih 'mêm păng tơdrong Ih mơnat sĭt tơpă.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Mathiơ 12:35

Bơngai 'lơ̆ng, sư đei jơhngơ̆m 'lơ̆ng, sư pơma kiơ̆ 'lơ̆ng. Bơngai kơnê̆, sư đei jơhngơ̆m kơnê̆, sư pơma kiơ̆ kơnê̆.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 7:21

“Ưh kơ sĭ dôm lu bơngai mă krao Inh Kră Yang gơh mơ̆t tơ dêh char 'Bok Kei-Dei pơđĭ ôh. Pôm lu bơngai mă lui kiơ̆ kơ 'Bă Inh đĕch gơh mơ̆t tơ dêh char Sư noh.

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Both 29:8

Iŏk dêh char sư pơjao ăn kơ adrĕch Rubên, Gat păng pơjao ăn minh puăt kơ adrĕch Manase jang sa.

Both 29:9

Lu iĕm athei kơchăng wei răk pơm kiơ̆ dôm nơ̆r tơdrong pơgơ̆p pơkă 'nâu, wă kơ lu iĕm gơh đei jing lăm tôm tơdrong jang iĕm pơm.

Both 30:14

Ưh ôh, nơ̆r Kră Yang jê̆ iĕm lăm 'bơ̆r iĕm păng lăm jơhngơ̆m iĕm, na wă kơ iĕm pơm kiơ̆ Sư.

Both 31:11

Kơplah đĭ-đăng bơngai Isơrael năm kơkuh kơ Kră Yang 'Bok Kei-Dei iĕm, tơ anih mă Sư gô rơih, na lu iĕm athei đŏk ăn mă re kơ lu sư mơ̆ng khôi juăt 'nâu.

Both 31:24

Lăp Môis chih dôm lu nơ̆r khôi juăt 'nâu đơ̆ng tơm truh tơ tôch tơ lăm minh sơ̆p hla bơar keh đang boih.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.

Jôsuê 8:34

Jôsuê đŏk đĭ nơ̆r khôi juăt, tơdrong sơkat hơpơi pŭn hiôk dah tơdrong sơkat hiap pơtê̆, đei chih lăm sơ̆p hla bơar khôi juăt.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.