Jôsuê 1:7 - Sơ̆p Hlabơar Nơ̆r 'Bok Kei-Dei

⁷ Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.

Jôsuê 1:7 Iomraidhean Croise

I Pot 2:2

“Inh wă jê̆ năm boih tơ trong mă đĭ-đăng kon bơngai ala teh âu gô năm, ih athei pran kơtang bĕ păng pơdah ih jing minh 'nu bơngai yŏng nuih.

I Pot 2:3

Păng athei wei răk dôm nơ̆r Kră Yang 'Bok Kei-Dei đei pơkă, wă kơ ih pơm kiơ̆, yak năm rok trong Sư, wei răk dôm tơdrong juăt Sư păng dôm nơ̆r Sư tơtă, păng dôm nơ̆r Sư bơtho, thoi đei chih boih lăm tơdrong juăt Môis, wă kơ dôm tơdrong ih jang kiơ, pơm kiơ, dah năm tơ yơ gô hiôk jơnap

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

I Ho 22:13

Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

II Ho 15:7

Mă-lei lu iĕm athei đei jơhngơ̆m nuih pran, ti lu iĕm 'nĕ pă rơdu achăng, yua kơ dôm tơdrong jang iĕm pơm gô đei yua.”

II Ho 26:5

Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Horiso 80:19

Ơ Kră Yang, 'Bok Kei-Dei Tih Hloh, apinh Ih tơiung lu nhôn dơ̆ng. Păng pơdah bĕ muh măt Ih wă kơ lu nhôn gơh klaih.

Tơdrông Pơđơk 4:27

'Nĕ kơ weh-woh 'ma 'ngiĕo, Jơ̆ng ih weh bĕ đơ̆ng tơdrong kơnê̆.

Tơdrông Pơđơk 8:20

Inh yak lăm trong tơpăt, băt oei lăm trong trŏ lăp.

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Jo 27:23

Dan ti kơpal kơ̆l sư păng pơjao ăn, kiơ̆ thoi Kră Yang đei pơkă athei Môis pơm thoi noh.

Both 11:8

Thoi noh iĕm athei wei răk bĕ dôm nơ̆r tơtă mă inh bơtho ăn kơ lu iĕm năr 'nâu, wă kơ lu iĕm đei jơhngơ̆m pran, mơ̆t iŏk dêh mă lu iĕm wă iŏk tơ pah to Krong Jôrđăn.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 28:14

'Nĕ kơ weh achăng hŭt lê̆ nơ̆r tơtă inh bơtho khan năr 'nâu, 'nĕ kơ weh tơ 'ma dah tơ 'ngiĕo 'nĕ kơ năm bơ̆jang kiơ̆ lu yang nai.

Both 29:8

Iŏk dêh char sư pơjao ăn kơ adrĕch Rubên, Gat păng pơjao ăn minh puăt kơ adrĕch Manase jang sa.

Both 29:9

Lu iĕm athei kơchăng wei răk pơm kiơ̆ dôm nơ̆r tơdrong pơgơ̆p pơkă 'nâu, wă kơ lu iĕm gơh đei jing lăm tôm tơdrong jang iĕm pơm.

Both 31:7

Đơ̆ng noh Môis krao Jôsuê khan kơ sư 'bơ̆t anăp đĭ-đăng bơngai Isơrael: Ih athei chơ̆n jơhngơ̆m; păng nuih kơtang bĕ, yua kơ ih gô năm mơ̆t hơdai hăm lu kon pơlei 'nâu lăm dêh char mă Kră Yang hlôi pơkă boih wă ăn kơ 'bok lu sư păng ih gô klah asong ăn kơ lu sư dêh noh.

Both 4:2

Lu iĕm 'nĕ kơ thim kiơ păng kư̆m 'nĕ kơ hŭt lê̆ kiơ dôm nơ̆r inh wă khan kơ iĕm, mă-lei athei wei răk dôm nơ̆r tơtă đơ̆ng Kră Yang 'Bok Kei-Dei lu iĕm, nơ̆r tơtă mă inh wă bơtho kơ lu iĕm.

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 11:15

Kiơ̆ thoi Kră Yang tơtă ăn kơ Môis đĭch đam sư, Môis kư̆m tơtă ăn kơ Jôsuê păng Jôsuê pơm kiơ̆ ưh kơ đei glăi minh tơdrong kiơ, pơm kiơ̆ rim tơdrong Kră Yang tơtă kơ Môis,

Jôsuê 23:6

Thoi noh athei chơ̆n jơhngơ̆m kơjăp păng pơm kiơ̆ mă pơ'lơ̆ng wei răk dôm tơdrong đei chih lăm sơ̆p hla bơar khôi juăt Môis boih, 'nĕ pă weh tơ 'ma dah tơ 'ngiĕo.