Jôsuê 1:2 - Sơ̆p Hlabơar Nơ̆r 'Bok Kei-Dei

² Môis đĭch đam Inh hlôi lôch, dang ei kon pơlei pơla ih iung bĕ, năm tŏk găn kơ đak Krong Jôrđăn, truh tơ teh đak mă Inh gô ăn kơ lu adrĕch adrung Isơrael.

Jôsuê 1:2 Iomraidhean Croise

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Ne 9:23

Ih kư̆m thim ăn đei kon sâu hrôh ngôh lơ thoi lu sơnglŏng tơ kơpal plĕnh, ba lu sư mơ̆t tơ dêh mă Ih đei pơkă hăm 'bok lu sư sơ̆: Lu iĕm gô mơ̆t tơ noh na iŏk asong băl dêh noh.

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Jo 12:7

Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Both 3:28

Mă-lei athei jao bĕ kơ Jôsuê, tơgŭm jơhngơ̆m sư mă kơjăp, yua kơ sư gô chông ba kon pơlei 'nâu, tŏk blah iŏk dêh mă ih đei lăng 'bôh noh.

Both 31:7

Đơ̆ng noh Môis krao Jôsuê khan kơ sư 'bơ̆t anăp đĭ-đăng bơngai Isơrael: Ih athei chơ̆n jơhngơ̆m; păng nuih kơtang bĕ, yua kơ ih gô năm mơ̆t hơdai hăm lu kon pơlei 'nâu lăm dêh char mă Kră Yang hlôi pơkă boih wă ăn kơ 'bok lu sư păng ih gô klah asong ăn kơ lu sư dêh noh.

Both 34:5

Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.

Jôsuê 1:11

“Lu iĕm athei năm jơ̆p tơ rim anih tơbăt ăn kơ kon pơlei: Hơmet bĕ tơmam sa lu iĕm, yua kơ pă pêng năr boih lu iĕm gô yak tŏk găn kơ đak Krong Jôrđăn, wă năm blah iŏk teh đak mă Kră Yang 'Bok Kei-Dei gô ăn kơ lu iĕm.”