Jôsuê 1:17 - Sơ̆p Hlabơar Nơ̆r 'Bok Kei-Dei

¹⁷ Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.

Jôsuê 1:17 Iomraidhean Croise

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

I Pot 1:37

Kră Yang oei hơdai hăm ih mă yŏng inh thoi yơ, apinh Kră Yang kư̆m oei hơdai Sôlômôn thoi noh mơ̆n, păng pơm ăn tang-dŏ pơtao sư tih hloh kơ tang-dŏ pơtao Đawit yŏng inh dơ̆ng.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

Horiso 20:1

Apinh Kră Yang tơl tơwih nơ̆r ih kơplah năr đei anat anot! Ăn kơ anăn Kră Yang 'Bok Kei-Dei Jakôp wei-lăng ih.

Horiso 20:4

Apinh Kră Yang ăn kơ ih dôm jơhngơ̆m hơpơi wă, Păng pơkeh dôm tơdrong ih tơchĕng wă pơm!

Horiso 20:9

Ơ Kră Yang, tơgŭm bĕ 'Bok Pơtao! Apinh tơl tơwih ăn kơ lu nhôn, dah lu nhôn krao apinh.

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Jo 27:20

păng ih kư̆m jao hloi kơ tơdrong gơh kĕ ih wă kơ lu bơngai Isơrael chu yom mơ̆ng kiơ̆ sư.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Both 34:9

Jôsuê kon drŏ-nglo Nun, đei 'bĕnh blai kơ tơdrong gơh hơgei, yua kơ Môis đei dan tơpang ti tơ akâu Jôsuê boih; na kon pơlei bơngai Isơrael chu nơ̆r sư păng pơm kiơ̆ dôm tơdrong Kră Yang bơtho pơkă kơ Môis.

Jôsuê 1:16

Lu bơngai noh đei tơl Jôsuê: “Lu nhôn gô pơm kiơ̆ kơ ih pơkă athei păng năm jơ̆p-jang anih ayơ mă ih đei wơh.

Jôsuê 1:18

Bơngai bu ưh kơ chu pơm kiơ̆ nơ̆r ih bơtho pơkă păng dôm tơdrong jang kiơ ih athei, lu bơngai noh gô pơlôch sư, ih athei chơ̆n jơhngơ̆m nuih pran.”

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 4:14

Năr noh Kră Yang ăn kơ Jôsuê jing đe pơyom 'bơ̆t anăp đĭ-đăng bơngai Isơrael păng đe hli yom đĭ chăl sư oei arih, thoi đe chu yom kơ Môis mơ̆n.

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!

I Sam 20:13

Tơdah 'bă inh khŏm pơm wă pơrăm ih, inh gô roi ăn kơ ih băt, athei ih năm mă hiôk-hian, dah ưh, apinh Kră Yang phak inh mă trăp! Hơpơi apinh Kră Yang oei hơdai ih, kư̆m thoi Sư oei hơdai boih hăm 'bă inh.