Jop 9:2 - Sơ̆p Hlabơar Nơ̆r 'Bok Kei-Dei

² Inh băt sĭt tơdrong noh trŏ; Mă-lei kon bơngai liơ gơh 'lơ̆ng tơpăt 'bơ̆t anăp Kră Yang 'Bok Kei-Dei?

Jop 9:2 Iomraidhean Croise

I Pot 8:46

“Mưh đơ̆ng lu sư pơm yoch 'bơ̆t anăp ih, ưh kơ đei bu ưh kơ pơm yoch, Ih blĕk ơh ăn kơ lu sư đei tơdrong gleh oei lăm ti lu bơngai ayăt, tơdah đe rôp ba lu sư tơ dêh char nai, mă đơ̆ng ataih dah jê̆,

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Jop 25:5

Tơdah, mă măt khei kư̆m ưh kơ gan hơdah, Lu sơnglŏng kư̆m ưh kơ đei 'lơ̆ng rơgoh mơ̆n 'bơ̆t anăp Sư:

Jop 32:2

Mă-lei Êlihu, kon drŏ-nglo Barakel, bơngai Busit, adrĕch adrung Ram, Sư hil kơ Jop, yua kơ Jop khan sư bơngai 'lơ̆ng tơpăt hloh kơ Kră Yang 'Bok Kei-Dei 'lơ̆ng.

Jop 33:9

‘Inh 'lơ̆ng rơgoh, ưh kơ đei pơm glăi; Inh ưh kơ đei yoch, ưh kơlah pơm yoch.

Jop 34:5

Yua kơ Jop đei khan: ‘Inh bơngai 'lơ̆ng tơpăt, Mă-lei Kră Yang 'Bok Kei-Dei ưh kơ jô̆ khan inh 'lơ̆ng tơpăt.

Jop 4:17

‘Kon bơngai bơ̆n hăm đei bu 'lơ̆ng tơpăt 'bơ̆t anăp Kră Yang 'Bok Kei-Dei? 'Bơ̆t anăp Kră Yang Tơ'ngla pơjing hăm đei bu 'lơ̆ng rơgoh?

Jop 9:1

Jop tơl khan:

Horiso 130:3

Ơ Kră Yang, tơdah Ih oei 'blŏk tơdrong kơnê̆ lu nhôn, Lei ơ Kră Yang! Bu gơh oei arih?a

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.