Jop 7:11 - Sơ̆p Hlabơar Nơ̆r 'Bok Kei-Dei

¹¹ “Yua kơ noh na inh ưh kơ ĕnh nơ̆r inh wă pơma; Yua kơ jơhngơ̆m inh sơ'ngon inh gô pơma; inh gô ôr mưh jơhngơ̆m inh pơmat dêh.

Jop 7:11 Iomraidhean Croise

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

Jop 10:1

Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

Jop 10:15

Tơdah inh pơm kơnê̆, răm-'băm tơpă kơ inh! Mă-lei tơdah inh pơm trŏ 'lơ̆ng, inh kư̆m ưh kơ pơ̆n ngơk kơ̆l, yua kơ inh 'bĕnh kơ mơlâu, tơchĕng kơ tơdrong pơmat-tat inh.

Jop 13:13

Ngăn bĕ, lê̆ inh pơma. Mă khan đei tơdrong thoi yơ inh pŭ.

Jop 16:6

Mă inh pơma, jĭ jăn inh ưh kơ đei dă 'biơ̆; Mă inh pơmơ̆ng, kư̆m ưh kơ đei weh ataih đơ̆ng inh.

Jop 21:25

Bơngai to lôch, đĭ lăm chăl arih ơh sơ'ngon pơmat-tat. Ưh tam đei mơn 'bơm tơdrong pŭn hiôk liơ.

Jop 23:2

Mă truh năr 'nâu, tơdrong hơdrĭ inh oei đei ơh sơ'ngon, Ti kơtĭt kơpal inh oei trăp mă khan inh krao ôr.

Jop 36:21

Kơchăng bĕ, 'nĕ kơ wih tơ tơdrong yoch kơnê̆; Ih đei tơdrong pơmat-tat wă pơjuăt ih huay kơ pơm yoch.

Jop 6:26

Lu iĕm tơchĕng gơh chrih bơtho inh, nơ̆r liơ? Kơplah lu iĕm lăng nơ̆r inh pơma gah tơdrong pơmat-tat thoi kial tơthu.

Jop 9:27

Tơdah inh khan kơdih. “Inh ưh pă ôr tơtok bơih, inh gô pơm tơ'bôh muh măt oei hiôk hiĕk chơt.”

Horiso 39:3

Lăm, jơhngơ̆m klơm klak tŏ hang, kơplah inh oei tơchĕng, ŭnh sa hloi. Kơplah noh hơpiĕt inh đei nơ̆r pơma:

Horiso 40:9

Lăm năr akŭm tih inh ră roi boih kơ tơdrong 'nao 'lơ̆ng tơpăt Ih; to, inh ưh kơ đei ôn 'bơ̆r, Ơ Kră Yang, inh băt boih tơdrong noh.

Êsai 38:15

Inh wă pơma kiơ dơ̆ng? Kră Yang pơma hăm inh bơih, na Sư kư̆m gô pơm keh boih tơdrong noh. Đĭ chăl inh arih, inh gô arih sa pơyom, yua kơ lăm jơhngơ̆m chhŭr nuih.

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

II Kor 2:4

Kơplah inh chih kơ iĕm kơthơ ki, inh ơh sơ'ngon dêh, inh nhơ̆m hmoi ơh ăi minh 'nu, mă-lei ưh kơ sĭ inh wă kơ iĕm sơ'ngon hai ôh. Inh wă kơ iĕm băt kơ inh 'mêm kơ iĕm tơpă.

I Sam 1:10

Hana jơhngơ̆m sư rŭng răng ưh kơsŭk sư krao apinh Kră Yang sư nhơ̆m sơ'ngon dêh.