Jop 6:21 - Sơ̆p Hlabơar Nơ̆r 'Bok Kei-Dei

²¹ Kiơ̆ kơ inh 'bôh, lu iĕm thoi lu thong noh, lu iĕm 'bôh tơdrong pơmat-tat inh, lăng krưp păng hli tơrơ.

Jop 6:21 Iomraidhean Croise

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Jop 19:19

Đĭ-đăng lu buăl inh juăt dêh 'brơ̆ kơ inh; Lu bơngai mă inh 'mêm kư̆m pơm plơ̆ kơ inh mơ̆n.

Jop 6:15

Lu 'nhŏng oh inh jing bơngai hơlĕnh, nhen thoi thong đak hrĕng kro. Thoi đak lơ̆p ro koch jăng.

Jop 6:22

Inh ưh kơ đei apinh lu iĕm: “Apinh iĕm ăn bĕ tơmam kơ inh! Apinh pơyơ̆r ăn bĕ kơ inh tơmam đơ̆ng lu iĕm đei!

Horiso 38:11

Lu buăl juăt lu bơngai mơnat kơ inh oei ataih đơ̆ng inh yua kơ inh đei pơmat-tat. Păng 'nhŏng oh inh oei ataih kơ inh mơ̆n.

Horiso 62:9

Sĭt tơpă, bơngai đe ưh kơ gĭt thoi kial dui jơhngơ̆m. Bơngai đe gĭt 'biơ̆ kư̆m tơdrong kơ đei. Atŏk tơ kơpal kĭ lu sư phiơl. Đĭ lu sư hơiơch hloh kơ hơyuh kial dui jơhngơ̆m.

Tơdrông Pơđơk 19:7

Đĭ-đăng 'nhŏng oh bơngai dơnuh kư̆m areh kơ sư; Pơma kiơ lu buăl juăt đĕch kư̆m achăng lê̆ sư. Sư druh chă wă pơlung, tơ yơ pă 'bôh dơ̆ng lu sư.

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Je 51:9

Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Mathiơ 26:31

Yêsu roi kơ lu bơngai pơhrăm păng Sư: “Đĭ-đăng kơ iĕm măng kơnh kơdâu achăng lê̆ Inh, yua kơ đei nơ̆r chih roi lê̆ hơdrol boih thoi âu: ‘'Bok Kei-Dei gô pơlôch tơ'ngla wei triu, triu kơdâu tơklah đơ̆ng tơ'ngla Sư.’

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.