Jop 5:7 - Sơ̆p Hlabơar Nơ̆r 'Bok Kei-Dei

⁷ Mă-lei đơ̆ng năr đe tơpŭ kơ kon bơngai sư đei tơdrong pơmat-tat. Tơpă gô thoi ŭnh đeh đông tơ kơpal.”b

Jop 5:7 Iomraidhean Croise

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Jop 7:1

“Chăl arih kon bơngai kơpal teh thoi bơngai linh jang gleh lap, hăm trŏ năr sư arih thoi bơngai jang apah kơ năr?

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Bôk Bơthô 1:8

Đĭ-đăng tôm tơmam oei oei hơnơ̆ng, 'bơ̆r kon bơngai ưh kơ gơh roi ôh; măt lăng ưh kơ bơ̆l, đon mơ̆ng ưh kơ hăl.

Bôk Bơthô 2:22

Lei, hăm đei yua kiơ kơ bơngai gleh pơmat, hrat jơhngơ̆m nŏng kơ bơ̆jang lăm ala teh âu?

Bôk Bơthô 2:23

Rim năr tơ'bơ̆p tơdrong chhŭr nuih, tơdrong jang ơh klai; mă kơmăng kơ̆l đon sư kư̆m pă đei pơdơh hiôk. Tơdrong noh kư̆m tơdrong kơ đei.

Je 20:18

Yua kơ kiơ đei tơpŭ kơ inh wă kơ inh pơmat-tat, gleh glăn, đĭ chăl arih inh mơlâu ling-lang?

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.