Jop 5:5 - Sơ̆p Hlabơar Nơ̆r 'Bok Kei-Dei

⁵ Lu bơngai pơngot sa đĭ dôm lu plei sư phĕ yuă. Lu sư kư̆m sa plei chăt đơ̆ng lăm rơ̆m jơla; păng lu bơngai rơhing, 'nhĕng kơ mŭk tơmam lu sư.

Jop 5:5 Iomraidhean Croise

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Jop 1:15

Blư bla đei lu bơngai Sêba năm blah, tơgar rôp iŏk đĭ hloi rơmo, aseh iĕ păng koh pơlôch lu đĭch đam ih hăm đao; lăp minh 'nu inh đĕch hlôi tơ âu năm roi ăn kơ ih.”

Jop 1:17

Bơngai âu oei pơma, na 'bôh minh 'nu bơngai nai dơ̆ng truh roi: “Lu bơngai Kalđê đei pêng khŭl, wang blah tơgar iŏk aseh lăk-đa păng koh pơlôch đĭ lu đĭch đam hăm đao; lăp minh 'nu inh đĕch klaih năm roi ăn kơ ih.”

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Jop 20:15

Mŭk măk sư tơtông luăn sa 'ngam gô hăk lê̆ tơ 'nguaih, Kră Yang 'Bok Kei-Dei bơih ăn kơ sư hăk lê̆ mŭk tơmam noh đơ̆ng hlŭng sư.

Jop 20:22

Kơplah sư oei đei tôm tơmam rơkah rơkai tơdrong kơ'bah truh hloi Tơdrong pơmat-tat kơtang gô truh pơm kơ sư.

Jop 22:10

Kơlih thoi noh, kap đăk tăp dăr kơ ih, Tơdrong hli krưp kơnê̆ gô pơm kơ ih;

Horiso 109:11

Ăn kơ tơ'ngla mă lu sư hre, năm hơrui iŏk đĭ mŭk tơmam sư? Lu bơngai tơmoi năm tơgar phĕ iŏk plei tơmam đêl lu sư jang sa.

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Je 51:34

Nebukatnessar pơtao Babilôn luăn sa inh boih, sư pơjuă inh hĕch hoch; sư huet inh 'biao thoi gŏ hoh, Luăn sa inh thoi yă-grai sa tơmam 'lơ̆ng inh 'bĕnh kơ klak sư; Na hăk lê̆ inh.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Nhom 2:16

Dôm lu ayăt kơ iĕm ha 'bơ̆r khan kơ iĕm, Hiĕk achơ̆, kăp hơnĕnh, thoi âu: Lu bơ̆n luăn lê̆ sư boih! 'Nâu trŏ boih năr mă lu bơ̆n chang gô,

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Hôsia 8:7

Yua kơ lu sư rei boih kial, lu sư gô yuă iŏk hơbŭt tih; tơm 'ba lu sư oei dơ̆ng, mă-lei pă đei hnông, 'ba lu sư ưh pă đei găr pă jing phe; mă khan đei găr ră mă-lei lu bơngai tơmoi gô luăn sa đĭ.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:51

Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.