Jop 5:2 - Sơ̆p Hlabơar Nơ̆r 'Bok Kei-Dei

² Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Jop 5:2 Iomraidhean Croise

Bl 30:1

Rachel lăng 'bôh kơdih akâu ưh kơ đei pơjing kon hơ'lơ̆p ăn kơ Jakôp, na lăm jơhngơ̆m sư areh kơ mŏ sư Lêa, sư khan kơ Jakôp thoi âu: Ăn bĕ kơ inh đei hơ'lơ̆p, tơdah ưh, inh lôch.

Bl 38:9

Mă-lei Ônan băt tơdah đei kon kư̆m ưh kơ jô̆ kon sư na sư lê̆ đak lĕch tơ 'nguaih wă kơ Tamar ưh kơ đei kon hăm sư.

Jop 18:4

Ih hek akâu kơdih, lăm năr ih blĕk Đe hăm gô achăng tŭk lê̆ teh juơ ưh kơ đei bơngai oei, dah tơlơ̆ lê̆ tơmo đơ̆ng anih sư?

Horiso 107:17

Lu bơngai kơ hlôh đei tơdrong gleh yua kơ pơm tơdrong yoch păng tơdrong kơnê̆.

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Horiso 75:4

Inh khan kơ lu pơang: “'Nĕ pă pơang.” Hăm khan kơ lu bơngai kơnê̆: “'Nĕ pă pơư khan pran kơtang.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Tơdrông Pơđơk 12:16

Bơngai kơtul 'bôh hloi tơdrong sư hil, Mă-lei bơngai hơgei huay kơ hiơ̆k ôh mă đe pơjăm pơjuă.

Tơdrông Pơđơk 19:16

Bu răk tơdrong juăt, băt wei tơdrong arih kơdih; Mă-lei bu ưh kơ bơwei oei arih sa 'lơ̆ng gô lôch.

Tơdrông Pơđơk 19:19

Bơngai bu hil dêh gô pŭ đe phak. Tơdah ih dŏng sư, Ih athei dŏng pơklaih sư dơ̆ng.

Tơdrông Pơđơk 27:3

Tơmo trăp, chuơh kư̆m trăp, Mă-lei đei pơdrŭt lu bơngai kơtul kơwao noh trăp hloh kơ 'bar noh.

Tơdrông Pơđơk 8:5

Ơ lu bơngai kơ hlôh, hŏk pơhrăm bĕ tơdrong hlôh wao, Ơ lu bơngai kơtul, iŏk bĕ tơdrong hlôh wao.

Bôk Bơthô 7:9

'Nĕ hăt kơ hil, yua đơ̆ng tơdrong hơgei na gơh wei tơdrong arih kơdih akâu.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.

Jôna 4:9

Kră Yang 'Bok Kei-Dei khan kơ Jôna thoi âu: Ih hăm trŏ kơ hil blĕk yua kơ tơnơm hla hro 'nâu? Sư tơl: Inh blĕk 'nâu trŏ, inh blĕk trŏ kơ lôch.

Rom 2:8

Bơngai bu băt 'mêm kơ akâu sư kơdih, ưh kơ 'mêm kơ tơdrong 'Bok Kei-Dei, sư wă kiơ̆ tơdrong kơnê̆ ngăl, bơngai noh 'Bok Kei-Dei gô phak sư kơtang kơtĭt tơpă.

II Tim 3:6

Lu bơngai ei lu mơ'nah mơ̆t tơ hnam bơngai drŏ-kăn mă ưh kơ hlôh. Lu sư pơtuah bơngai drŏ-kăn ei lui kơ 'Bok Kei-Dei. Lu bơngai drŏ-kăn ei lu sư băt kơdih đei lơ tơdrong yoch ră mơ̆n, mă-lei lu sư oei hưch tơdrong âu tơdrong to.