Jop 5:16 - Sơ̆p Hlabơar Nơ̆r 'Bok Kei-Dei

¹⁶ Thoi noh lu bơngai dơnuh hoh đei chang hơmĕng, lu bơngai kơnê̆ Kră Yang pơŏm lê̆ 'bơ̆r.”

Jop 5:16 Iomraidhean Croise

Jop 31:16

Tơdah inh sơngah ưh kơ ăn ôh tơmam kơ bơngai dơnuh dơnan hơpơi wă, Tơdah inh lê̆ bơngai adro chang gô dĭng pă hơmĕng.

Horiso 107:42

Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Horiso 63:11

Mă-lei pơtao gô chơt hiôk lăm Kră Yang 'Bok Kei-Dei. Bu pơkă hăm anăn Kră Yang gô pôk pơư kơ Kră Yang; Yua kơ Sư gô chĭt lê̆ 'bơ̆r lu bơngai pơma plêl.

Horiso 9:18

Lu bơngai pơmat-tat đe ưh kơ đei hiơt ling-lang ôh, Păng lu bơngai răm-'băm kư̆m ưh kơ hiong tơdrong hơmĕng ling-lang mơ̆n

Le 11:7

Mă-lei, lăm đĭ-đăng kon pơlei Isơrael hiôk-hian mă đơ̆ng kon kŏ kư̆m gô ưh kơ kuăl, mă kon bơngai, mă sem dơrong; wă kơ lu iĕm băt kơ Kră Yang ăn kơ kon pơlei Isơrael hăm bơngai Êyiptơ phara.

Êsai 14:32

Wă tơl tơwih liơ kơ bơngai pơtruh nơ̆r đơ̆ng minh pôm teh đak? Tơl tơwih khan: “Kră Yang pơjing kơjăp bơih Siôn păng lu kon pơlei Sư mă ơh sơ'ngon pơmat-tat gô kơ'nơp lăm noh.”

Je 39:11

Nebukatnessar, pơtao Babilôn athei tơtă kơ Nebusaradan yŏng lu linh gak pơtao, gah Jêrêmi khan:

Da 1:9

Kră Yang 'Bok Kei-Dei pơm ăn bơngai wei-lăng linh krĕo gơh mơnat ăn kơ Đaniel.

Sa 9:12

Ơ lu bơngai bơnă mă đei tơdrong gơnang chang gô, brŏk bĕ tơ anih kơjăp, lăm năr âu boih inh khan gô pơm 'mong ăn kơ ih hloh 'bar wơ̆t dơ̆ng.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.