Jop 5:13 - Sơ̆p Hlabơar Nơ̆r 'Bok Kei-Dei

¹³ Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Jop 5:13 Iomraidhean Croise

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 15:34

Mă-lei tơdah ih brŏk tơ pơlei, roi ăn kơ Apsalôm: ‘Ơ pơtao! Inh jơ̆ bơngai đĭch đam ih, adrol sơ̆ inh bơ̆jang kơ pơtao Đawit, 'bă ih, dang ei inh đĭch đam ih,’ lei na apinh ih tơgŭm inh pơm tơhiong lê̆ tơdrong Ahithôphel chă đon.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Jop 15:5

Tơdrong yoch ih bơtho ăn kơ 'bơ̆r ih pơma, pơm kơ ih rơih iŏk hơpiĕt lu bơngai hơlĕnh bơkuĕch.

Jop 37:24

Yua kơ thoi 'noh na kon bơngai hli yom kơ Sư. Kră Yang ưh kơ đei hiơ̆k 'blŏk ôh kơ bơngai khan kơ sư kơdih gơh hơgei.

Horiso 18:26

Hăm lu bơngai 'lơ̆ng rơgoh, Ih boih Tơ'ngla 'lơ̆ng rơgoh; Gah lu bơngai ưh kơ chu, Ih gô phak tơpă.

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Tơdrông Pơđơk 3:32

Yua kơ Kră Yang areh kơ bơngai hơlĕnh; Mă-lei pơm buăl juăt hăm bơngai tơpăt.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Je 8:8

Liơ lu iĕm gơh khan: “Lu nhôn hơgei boih, lu nhôn đei khôi juăt Kră Yang? Mă-lei âu, lu bơngai chih hla bơar chih hơlĕnh. Pơm pơglăi lê̆ kơ khôi juăt Inh

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Je 9:22

Kră Yang khan thoi âu: “Akâu lu bơngai lôch pơ̆k boih tơ lăm chŭn, thoi đe tuh mơ̆r kơ teh, thoi hơie 'ba huŏng đơ̆ng rŏng kơ đe yuă, ưh kơ đei bu wă dônh akŭm lu sư.”

Jo 22:25

Aseh iĕ 'bôh Linh jang Kră Yang sư năm gơning rok dur na jơ̆ng Balaam kep kơ dur; Balaam teh aseh sư dơ̆ng.

Luka 1:51

Sư yua tơdrong mơsêh mơyang Sư wă blah pơpuh tŭk lê̆ lu bơngai mă pơang akâu kơdih hăm pơm kơnê̆ kơ đe.

I Kor 3:19

Dôm tơdrong hơgei ala teh âu 'Bok Kei-Dei lăng thoi tơdrong kơtul đĕch, kư̆m thoi sơ̆p hla bơar 'Bok Kei-Dei chih khan: “Lu bơngai 'bơ̆r đon, sư wă pơm hơgei gah tơdrong pơm kơnê̆ ră, mă-lei 'Bok Kei-Dei băt hloi.”