Jop 5:12 - Sơ̆p Hlabơar Nơ̆r 'Bok Kei-Dei

¹² Sư pơrăm lê̆ tơdrong lu bơngai kơnê̆ chă đon wă pơm. Ăn kơ tơdrong kiơ ti lu sư wă pơm ưh kơ jing.

Jop 5:12 Iomraidhean Croise

Bl 31:22

Truh năr mă pêng, đe roi tơbăt kơ La'ban khan Jakôp kơdâu klĕnh boih.

II Sam 11:9

Mă-lei, Uri ưh kơ brŏk tơ hnam, sư tep 'bơ̆t 'măng jang hnam pơtao hơdai hăm lu đĭch đam gak pơtao.

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

II Pot 6:9

Êlisê bơngai Kră Yang 'Bok Kei-Dei yua, năm roi ăn kơ pơtao đe Isơrael thoi âu: “Kơchăng hŏ 'nĕ kơ năm rok anih noh, đei lu linh đe Aram oei răp tơ noh.”

Ne 4:15

Tơdah lu ayăt kơ lu nhôn băt kơ lu nhôn băt kơ tơdrong noh păng Kră Yang 'Bok Kei-Dei pơrăm lê̆ boih tơdrong tơchĕng lu sư, thoi noh lu nhôn wơ̆t bơ̆jang man dur dơ̆ng rim 'nu kư̆m wơ̆t bơ̆jang tơdrong jang sư kơdih.

Ne 4:9

Mă-lei lu nhôn krao khan apinh Kră Yang 'Bok Kei-Dei lu nhôn păng rơih chă bơngai kral gak kơmăng kơ'năr wă găn lu sư.

Jop 15:5

Tơdrong yoch ih bơtho ăn kơ 'bơ̆r ih pơma, pơm kơ ih rơih iŏk hơpiĕt lu bơngai hơlĕnh bơkuĕch.

Horiso 21:11

Mă lu sư wă pơm kơnê̆ kơ Ih ră Lu sư pơđâu chă đon ưh kơ jing ôh.

Horiso 37:17

Yua kơ kơkŏng ti lu bơngai kơnê̆ gô tơgơ̆, Mă-lei Kră Yang gô tưk pơkơ̆ng ti lu bơngai tơpăt.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Tơdrông Pơđơk 22:12

Măt Kră Yang wei-lăng lu bơngai hơgei; Mă-lei sư tơhiong lê̆ tơdrong lu bơngai hơlĕnh pơma.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Je 8:8

Liơ lu iĕm gơh khan: “Lu nhôn hơgei boih, lu nhôn đei khôi juăt Kră Yang? Mă-lei âu, lu bơngai chih hla bơar chih hơlĕnh. Pơm pơglăi lê̆ kơ khôi juăt Inh

Ob 1:8

Kră Yang khan: Hăm trŏ lăm năr noh, inh gô pơlôch dôm lu bơngai hơgei đơ̆ng lăm pơlei Eđôm? Păng dôm lu bơngai hlôh wao đơ̆ng kông Êsâu?

Jang 12:11

“Ơ tơpă boih, inh băt kơ 'Bok Kei-Dei wơh linh jang 'lơ̆ng Sư jur tơdŏng inh đơ̆ng 'bok pơtao Hêrôt păng lu bơngai Juđê wă pơlôch inh.”

I Sam 23:13

Đawit hăm lu bơngai kiơ̆ sư, dang tơdrâu-hrĕng 'nu bơngai lu sư iung lĕch đơ̆ng pơlei Kêila păng năm tơ anih ayơ mă gơh oei. Sôl băt kơ Đawit lĕch hlôi boih đơ̆ng Kêila, na ưh pă năm blah dơ̆ng.