Jop 5:11 - Sơ̆p Hlabơar Nơ̆r 'Bok Kei-Dei

¹¹ Sư tơiung lu bơngai răm-'băm. Ăn kơ lu bơngai nhơ̆m hmoi oei tơ anih hơđơ̆ng.

Jop 5:11 Iomraidhean Croise

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Jop 36:7

Sư bơwei bơngai 'lơ̆ng tơpăt. Ăn kơ lu sư hơ-oei 'bơ̆t tang-dŏ pơgơ̆r thoi lu pơtao Ăn kơ lu sư đei đe pơyom ling-lang.

Jop 8:7

Dang ei ih oei iĕ, dôm tơmam ih đei sơ̆ oei tŏ sĕt, mă-lei ning-mônh ih gô mơdrŏng tih tơpă.

Horiso 107:41

Mă-lei Sư hơtŏk lu bơngai dơnuh hin klaih đơ̆ng tơdrong pơmat-tat. Ăn kơ hnam dơnŏ hrôh ngôh rai lơ thoi khŭl triu.

Horiso 113:7

Sư tơiung bơngai dơnuh hin đơ̆ng 'mui teh. Dui lu kơ'bah kơ'bôch đơ̆ng 'bruih 'brăm

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Êsêkiên 17:24

Đĭ-đăng lu 'long tơ bri brah gô băt kơ Inh boih Kră Yang, tơjur lê̆ 'long kơjung na hơtŏk lu 'long kơđeh, pơm kơ 'long hơdrih jing kro, 'long kro jing hơdrih 'lơ̆ng. Inh boih Kră Yang đei khan păng gô pơm tơdrong noh.’ ”

Luka 6:21

“Pŭn dêh lu iĕm mă pơngot rơwĕt dang ei, iĕm gô phĭ jơnap. Pŭn dêh lu iĕm mă nhơ̆m hmoi dang ei, iĕm gô hiĕk, gô chơt.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Ya 1:9

Lăm lu 'nhŏng oh bơ̆n bơngai bu dơnuh hin, sư kư̆m hiôk bĕ yua kơ 'Bok Kei-Dei jô̆ jing kon Sư.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.