Jop 42:5 - Sơ̆p Hlabơar Nơ̆r 'Bok Kei-Dei

⁵ Adrol sơ̆ đon inh lăp kơtơ̆ng ang gah Kră Yang, Mă-lei dang ei, măt inh 'bôh Ih bơih.

Jop 42:5 Iomraidhean Croise

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Jop 28:22

Hơlŭng jrŭ păng tơdrong lôch khan: “Đon lu nhôn đei kơtơ̆ng ang bơih đe roi.”

Jop 33:16

Kră Yang pơih đon wă kơ lu sư mơ̆ng. Pơsĭt nơ̆r chrih bơtho tơhli lu sư wă kơchăng.

Jop 4:12

Minh nơ̆r pơma hơgơ̆m truh tơ inh. Đon inh kơtơ̆ng nơ̆r pơma mơmơnh.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Êsai 6:1

Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

Yo 12:45

Păng bơngai bu 'bôh Inh, sư dang 'bôh 'Bă Inh mă wơh Inh mơ̆n.

Rom 10:17

Gah lu bơ̆n, bơ̆n lui boih, noh đơ̆ng đe năm bơtho tơdrong 'nao 'lơ̆ng Yêsu Krist na bơ̆n lui.