Jop 4:5 - Sơ̆p Hlabơar Nơ̆r 'Bok Kei-Dei

⁵ Mă-lei dang ei đei tơdrong gleh truh kơ ih, mă ih kư̆m ưh kơ kĕ chu iŏk; Ih tơ'bơ̆p tơdrong pơmat-tat, na ih hli tơrơ.

Jop 4:5 Iomraidhean Croise

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 19:21

Lu iĕm buăl juăt inh, apinh iĕm mơnat 'biơ̆ kơ inh, mơnat 'biơ̆ kơ inh bĕ, yua kơ ti Kră Yang 'Bok Kei-Dei teh inh bơih.

Jop 2:5

Apinh Ih chro ti pơrăm truh tơ kơting sĕch Jop sĭt sư gô hiap Ih.”

Jop 4:4

Nơ̆r ih pơma tơgŭm bơngai pơ̆k gơh iung dơ̆ng, Ih pơm ăn kŭl-tăng rơdu jing jăng.

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Horiso 30:8

Ơ Kră Yang! Inh ôr krao Ih. Păng krao apinh Kră Yang:

Tơdrông Pơđơk 24:10

Tơdah ih rơdu klai lăm năr đei tơdrong gleh, Noh tơdrong pran kơtang ih iĕ dêh.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

Hêbrơ 12:3

Iĕm athei pơwao kơ Yêsu, Sư iŏk dôm tơdrong lu bơngai yoch pơm kơnê̆ pơ'brơh kơ Sư; thoi noh na iĕm kư̆m lei-lăi 'nĕ kơ klai, 'nĕ kơ lao đon; athei adrin hăt hăi thoi Sư ling-lang.

Hêbrơ 12:5

Iĕm hiơt boih hă tơdrong 'Bok Kei-Dei pơlung bơ̆n wă kơ bơ̆n huay kơ sơ'ngon? Lăm sơ̆p hla bơar Sư đei chih khan kơ bơ̆n thoi âu: “Ơ dăm, e 'nĕ kơ hli ôh 'Bok Kei-Dei bơtho pơjĭ 'biơ̆ e. E 'nĕ kơ rai pơhơi 'bơ̆t Sư bơtho tơbral e.