Jop 4:19 - Sơ̆p Hlabơar Nơ̆r 'Bok Kei-Dei

¹⁹ Pơma kiơ kơ kon bơngai đơ̆ng teh lơ̆n. Pơjing đơ̆ng 'mui teh, trŏ kơ pơjuă bơhlơ̆r thoi mua kơmot.

Jop 4:19 Iomraidhean Croise

Bl 18:27

Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih.

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Jop 10:9

'Blŏk bĕ kơ Ih man pơjing inh thoi đe man gŏ teh; Lei ih wă pơdrâu inh tơ 'mui teh dơ̆ng hă?

Jop 13:12

Tơdrong pơđơ̆k iĕm thoi 'mui tơnuh đĕch. Nơ̆r iĕm dŏng kơdih 'bônh tơgơ̆ thoi teh lơ̆n.

Jop 13:28

Na lăm inh thoi akâu bơngai ôm răm, thoi ao mua reh hiah hiot bơih.

Jop 14:2

Chăl arih kon bơngai thoi pơkao, pơgê tơlang kơsơ̆ jô kro, Sư hloh hlôi thoi ngôi, ưh kơ dơ̆ng.

Jop 22:16

Đe rôp ba pơlôch lu sư adrol kơ năr pơkă, tơm tơdrong arih lu sư đe tơhiong hoch ro kiơ̆ đak glung;

Jop 25:6

Pơma kiơ kơ kon bơngai nhen thoi kơnu hơdrông, Păng kon sâu kon bơngai jơ̆ kơnu hơdrông.

Jop 33:6

'Bơ̆t anăp Kră Yang 'Bok Kei-Dei inh kư̆m thoi ih Sư kư̆m man pơjing inh hăm teh lơ̆n.

Horiso 146:4

Bơhngola lĕch boih, akâu lu sư brŏk hơlơ̆k tơ teh, Lăm năr noh hloi dôm tơdrong lu sư wă pơm kư̆m hiong đĭ

Horiso 39:11

Kơplah Ih teh bơtho lu kon bơngai yua kơ tơdrong kơnê̆ lu sư. Na Ih pơm ăn tơdrong lu sư 'maih wă huach thoi bŭk răm. Sĭt tơpă, rim 'nu thoi kial dui jơhngơ̆m. Sêla

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,