Jop 3:9 - Sơ̆p Hlabơar Nơ̆r 'Bok Kei-Dei

⁹ Rŏ kơ sơnglŏng wŏng-tar jing măng mu; rŏ kơ sư chang gô hơdah, mă-lei ưh kơ 'bôh 'brưch hơdah, kư̆m ưh kơ đei 'bôh hơdah lĕch.

Jop 3:9 Iomraidhean Croise

Jop 3:10

Yua kơ măng noh ưh kơtang lê̆ măng tơpu kon mĕ inh na anăp kơ inh. Kŭm ưh kơ đei ôn lê̆ tơdrong pơmat-tat đơ̆ng măt inh.

Jop 3:8

Rŏ kơ bu mă juăt kơ hiap, hiap bĕ năr noh. Rŏ kơ bu juăt kơ râu Lêwiathan,a hiap bĕ măng noh

Jop 30:26

'Bơ̆t mă inh răp gô tơdrong pŭn hiôk, tơdrong pơmat-tat truh; 'Bơ̆t mă inh chang tơdrong hơdah, tơdrong măng mu truh.

Jop 41:10

Ưh kơ đei bu nuih pơ̆n bơhle sư; Lei, bu pơ̆n dơ̆ng 'bơ̆t anăp Inh?

Jop 41:18

Sư gơseh chêr lĕch hơdah, Măt sư hơdah rang thoi 'năr lĕch til pơgê.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 8:15

Lu bơ̆n oei chang wă kơ đei hiôk-hian, mă-lei ưh kơ đei tơ'bơ̆p tơdrong hiôk. Bơ̆n chang wă kơ klaih, mă-lei tă kơ đei tơdrong hli hlơt krưp truh.