Jop 3:4 - Sơ̆p Hlabơar Nơ̆r 'Bok Kei-Dei

⁴ Rŏ kơ năr noh jing măng mu, Rŏ kơ Kră Yang 'Bok Kei-Dei đơ̆ng kơpal ưh kơ lăng ôh năr noh kư̆m ưh kơ đei hơdah pơchrang tơ sư.

Jop 3:4 Iomraidhean Croise

Jop 3:3

Năr tơpŭ kơ inh rŏ kơ hiong răm đĭ păng măng kư̆m khan: “Đe tơpŭ bơih kơ minh 'nu kon drŏ-nglo” ưh pă đei dơ̆ng.

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Mathiơ 27:45

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

Jang 27:20

Đunh năr tơpă nhôn ưh kơ gơh 'bôh măt 'năr păng ưh kơ 'bôh sơnglŏng. Kial oei dơhlu hơbŭt khŏm khŏm, lu nhôn pă ngêh kơ arih boih.

Both 11:12

'Noh jơ̆ minh pôm dêh mă măt Kră Yang 'Bok Kei-Dei iĕm bơwei, đơ̆ng sơnăm blŭng-a sơ̆ truh tơ tôch.

Tơdrông Tơ'bôh 16:10

Linh jang mă pơđăm tuh đak pơgang đơ̆ng pơnhan sư tơ kơpal tang-dŏ sem brem mă kơnê̆ ei, na jơ̆p kơ teh đak sem ei pơgơ̆r jing măng mu. Đĭ-đăng kon bơngai nhơ̆m hmoi tơkăp hơpiĕt kơdih kơdih yua kơ lu sư jĭ dêh trŏ hơkăm pơgang noh.