14 Hơdai hăm lu yŏng păng pơtao teh đak, lu bơngai mă pơjing anih dang ei ning-mônh kơdih gô hiong răm.
Đơ̆ng noh sư lôch sư năm oei hơdai hăm lu 'bok kơdră sư păng đe 'bŭ sư lăm pơlei Đawit, 'bă sư, Rôbôam kon drŏ-nglo sư pơgơ̆r pơtrơp sư.
Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.
Sư rôp anhăk phak lu bơngai pơthơr pơm tơdrong kơnê̆. Pơm ăn kơ lu 'bok sek tơlang jing kơtul kơwao.
Sư yaih glang đêl lu pơtao chô̆. Păng tơ̆n kơpen tơ kơiĕng lu sư.
Sư gô oei tơ lăm pơlei mă đe pơrăm bơih, tơ lăm hnam juơ, hnam rơ̆m rĕk ưh kơ đei bơngai oei.
Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.
Thoi khŭl triu, đe wă 'bŭ lăm bơsat. Tơdrong lôch gô wei lu sư: Truh pơgê lu bơngai tơpăt gô pơgơ̆r lu sư, Tơdrong 'lơ̆ng rŏ lu sư ôm răm đĭ tơ pơlei lôch, ataih đơ̆ng anih lu sư oei.
Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.
Ưh kơ đei bu gơh chĕp pơgơ̆r tơdrong arih; kư̆m ưh kơ đei bu gơh weh kơ lôch; lăm tơdrong tơblah tơdrong lôch ưh kơ đei lê̆ bu; bu pơm kơnê̆, tơdrong kơnê̆ kư̆m ưh kơ gơh dŏng pơklaih sư đơ̆ng tơdrong lôch ôh.
Đĭ-đăng pơtao rim teh đak. 'Bĭch lăm bơsat ư-ang lu sư.
Ih oei tơ âu pơm kiơ? Bu ăn kơ ih oei tơ âu? Mă ih mah sir anih pơm bơsat kơ ih tơ âu? Ih sir bŏk kơ ih minh anih tơ kơpal, sir bŏk anih ih lăm tơmo.
Răm-'băm dêh kơ lu iĕm bơngai mă pơm hnam thim hnam nai dơ̆ng, păng choh chŭn thim chŭn nai dơ̆ng, na jing pă đei teh 'bơ̆t yơ rơhơi dơ̆ng, păng lu iĕm jing oei adrô̆ lăm dêh char.”
Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.
Kơplah noh Inh gô tơjur ih tơ lăm sơlŭng jrŭ hơdai hăm kon pơlei oei chăl sơ̆. Inh gô ăn kơ ih oei tơ anih jrŭ lăm teh sŭng hơdai hăm lu bơngai răm rai chăl sơ̆. Thoi noh, na kon pơlei ưh pă đei oei lăm ih dơ̆ng; ih kư̆m ưh kơ đei oei lăm teh lu bơngai arih mơ̆n.