Jop 3:13 - Sơ̆p Hlabơar Nơ̆r 'Bok Kei-Dei

¹³ Dah inh lôch dang ei inh 'bĭch hiôk bơih, inh tep păng pơdơh hiôk.

Jop 3:13 Iomraidhean Croise

Jop 10:21

Adrol kơ inh năm ưh pă đei brŏk dơ̆ng, năm tơ anih măng mu găm, măng klăm hơ'bơ̆l.

Jop 10:22

Tơ anih măng mu găm, măng klăm tơdrong rŭng, anih noh ưh kơ hơdah, măng mu đĕch.

Jop 14:20

Jei Ih pă minh 'măng tôm bơih, na sư jăk hiong tơ nai. Ih tơplih muh măt sư păng puh tơweh sư.

Jop 16:22

Oei pă tŏ sĕt sơnăm đĕch bơih inh lôch, na inh gô năm mă ưh pă đei wih dơ̆ng.

Jop 17:13

Dah inh chang gô arih lôch pơm hnam, Dah inh hơmet anih inh tep lăm măng mu;

Jop 19:25

Mă-lei inh băt sĭt Tơ'ngla Dŏng Pơklaih inh oei arih, Sư gô iung dơ̆ng lăm năr tôch kơnh wă pơma dŏng inh kơpal teh.

Jop 19:27

Inh gô 'bôh Sư păng măt inh kơdih, Măt inh gô 'bôh Sư, păng lăng Sư ưh pă hlĭch boih inh chang gô dĭng truh mă klơm klak inh hŏnh.

Jop 21:13

Lu bơngai pơm kơnê̆ đei chăl arih mơdrŏng hiôk. Truh tơ lôch năm tơ bơsat 'bônh đĕch.

Jop 21:23

Đei bơngai arih liĕm akâu hiôk-hian Đei jơhngơ̆m pran jăng truh kơ lôch

Jop 21:26

Đĭ kơ 'bar tă 'bĭch hơdai lăm 'mui teh ngăl, Hrai sa 'bĕnh-'bang pơđĭ kơ 'bar.

Jop 24:19

Tơdrong phang-ang păng tŏ pơhach lê̆ đak prĕl, Pơlei lôch kư̆m dui iŏk lu bơngai pơm yoch.

Jop 24:20

Mĕ mă pŭ gô hiơt lê̆ kơ lu sư; Lu hrai gô sa lu sư; Đe ưh pă 'blŏk kơ lu sư dơ̆ng; Păng tơdrong kơnê̆ tơgơ̆ bŭk thoi tơm 'long.

Jop 26:5

Bơngai lôch tơtơ̆ tơtey, pơpơ̆ pơpol. Lăm ala đak păng đĭ lu kiơ arih oei tơ lăm noh hai.

Jop 26:6

Pơlei bơngai lôch tơlĕch pơdah bơih 'bơ̆t anăp Kră Yang 'Bok Kei-Dei, Păng sơlŭng jrŭ ưh kơ đei che pĕng hlơp,

Jop 3:12

Liơ mă kŭl-tăng mĕ inh kơ'mĭn sơng iŏk inh păng đei hloi toh tơmŏm inh?

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

Jop 7:21

Yua kơ kiơ Ih ưh kơ mơnat ăn tơdrong yoch inh păng huay pă jô̆ tơdrong yoch inh. Ưh pă đunh bơih inh gô 'bĭch lăm 'mui teh; Ih gô chơchă inh, mă-lei pă đei inh bơih.”

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsêkiên 32:27

Lu sư ưh kơ 'bĭch hơdai ôh hă hăm lu bơngai linh nuih kơtang sơ̆ mă pơ̆k lôch hơdai hăm bơngai ưh kơ đei kăt tơdra akar, lu bơngai mă jur tơ lăm sơlŭng jrŭ hơdai hăm lu tơmam tơblah păng đao tơ ala kơ̆l sư? Mă-lei tơdrong yoch lu sư gô dan tơ kơpal kơting lu sư. Lu linh nuih kơtang âu đei pơm kơ dêh char lu bơngai arih hli tơrơ