Jop 27:8 - Sơ̆p Hlabơar Nơ̆r 'Bok Kei-Dei

⁸ Lu bơngai ưh kơ lui đei chang hơmĕng kiơ mưh chăl arih âu tôch, Mưh Kră Yang 'Bok Kei-Dei pơdrâu lê̆ tơdrong arih lu sư?

Jop 27:8 Iomraidhean Croise

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Jop 12:10

Sư chĕp lăm ti tơdrong arih lu sem brem noh păng kial dui jơhngơ̆m kơ kon bơngai.

Jop 13:16

Đơ̆ng tơdrong 'noh bơih wă dŏng pơklaih inh. Yua kơ lu bơngai ưh kơ lui ưh kơ pơ̆n năm 'bơ̆t anăp Sư.

Jop 15:34

Lu bơngai ưh kơ lui yom kơ Kră Yang gô hơwŏng. Ŭnh gô sa pơrăm bơsŭn lu bơngai sa pơgâm đe.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Jop 27:7

Rŏ kơ phak lu ayăt kơ inh thoi lu bơngai pơm kơnê̆, Lu bơngai blah inh sek phak lu sư thoi bơngai ưh kơ tơpăt.

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Jop 8:13

Noh bơih tơdrong truh kơ lu bơngai mă sơngah kơ Kră Yang 'Bok Kei-Dei; lu bơngai mă ưh kơ lui tơdrong hơmĕng lu sư hiong đĭ.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Luka 9:25

Mă bu mơdrŏng đei tôm mŭk tơmam tơ ala teh âu, dah sư ưh kơ arih ling-lang lei truh sư lôch ưh pă đei yua kiơ boih.

Yo 9:31

Dah Sư bơngai yoch, 'Bok Kei-Dei ưh kơ ăn Sư pơm tơdrong mơsêh mơyang ôh, yua kơ bơ̆n băt 'Bok Kei-Dei ưh kơ wă mơ̆ng lu bơngai yoch ôh. Sư mơ̆ng dôm lu bơngai mă lui kơ Sư.

Both 1:45

Na lu iĕm brŏk nhơ̆m krao Kră Yang, mă-lei Kră Yang ưh kơ wă mơ̆ng păng ưh kơ đei pơgling đon mơ̆ng lu iĕm.

I Sam 8:18

Kơplah ei kơnh lu iĕm gô ôr krao yua kơ đơ̆ng pơtao mă iĕm đei rơih iŏk noh, mă-lei Kră Yang ưh kơ wă mơ̆ng nơ̆r lu iĕm ôh.