Jop 24:1 - Sơ̆p Hlabơar Nơ̆r 'Bok Kei-Dei

¹ Liơ Kră Yang Tih Hloh ưh kơ pơkă jơ 'năr wă sek tơlang? Liơ lu bơngai băt kơ Kră Yang ưh kơ 'bôh năr sek tơlang noh?

Jop 24:1 Iomraidhean Croise

Bl 18:17

Kră Yang khan lăm to thoi âu: “Liơ Inh wă ôn kơ Abraham dôm tơdrong kiơ inh wă pơm?

Bl 7:4

Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

Jop 15:20

Bơngai pơm tơdrong kơnê̆ tơ'bơ̆p jĭ jăn pơmat-tat, dĭng đĭ chăl arih sư. Lăm đĭ sơnăm wă 'măn kơ lu bơngai mă pơm kơnê̆ oei arih đei pơmat-tat.

Horiso 31:15

Chăl arihf inh, lăm ti Ih, Apinh Ih dŏng pơklaih inh dơ̆ng ti lu bơngai ayăt păng đơ̆ng lu bơngai pơmat inh,

Horiso 36:10

Apinh oei 'mêm mơnat kơ lu bơngai băt kơ Ih. Păng ăn tơdrong tơpăt Ih kơ lu bơngai đei jơhngơ̆m tơpăt.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Bôk Bơthô 3:17

Na inh khan: Kră Yang 'Bok Kei-Dei gô sek tơlang kơ lu bơngai pơm 'lơ̆ng păng lu bơngai pơm kơnê̆, yua kơ Sư đei hơgăt ăn boih jơ 'năr kơ tôm tơdrong kiơ kiơ.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 60:22

Bơngai tŏ sĕt hloh gô jing rơbâu hơngan. Bu iĕ hloh gô jing minh khŭl kon pơlei pran kơtang Inh bơih Kră Yang gô pơm pơkeh tơdrong 'noh trŏ kơ khei 'năr.”

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Ob 1:15

Yua kơ năr Kră Yang wă jê̆ truh năr phak đĭ-đăng adrĕch kon bơngai boih năr ei kơnh đe gô pơm kơ ih kư̆m thoi ih đei pơm kơ đe dôm tơdrong jang ih gô tuh kơpal kơ̆l ih kơdih dơ̆ng.

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Mathiơ 24:38

Hơdrol kơ đak lip sơ̆, kon bơngai oei sa et pơrŏ tơdrong iŏk klo kăn, tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Jang 1:7

Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

I Tes 5:1

Ơ 'nhŏng oh, nhôn ưh kơ kăl chih roi gah tơdrong Kră Yang Yêsu wă jur layơ.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

I Tim 6:15

Trŏ năr 'Bok Kei-Dei ăn Kon Sư Yêsu Krist jur tơ ala teh âu ning-mônh. 'Bok Kei-Dei boih hiôk-hian tơpă, pôm Sư boih pơgơ̆r tôm tơdrong. Sư pơm 'Bok Pơtao Sư tih hloh kơ đĭ-đăng lu pơtao nai, Sư pơm Yŏng Sư tih hloh kơ đĭ-đăng lu yŏng nai.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.