Jop 22:3 - Sơ̆p Hlabơar Nơ̆r 'Bok Kei-Dei

³ Kră Yang Tih Hloh hăm đei hiôk chơt kiơ tơdah ih arih 'lơ̆ng tơpăt? Hăm đei yua kiơ kơ Sư dah trong ih yak 'lơ̆ng tôm tơdrong?

Jop 22:3 Iomraidhean Croise

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

Jop 21:15

Kră Yang Tih Hloh noh kiơ, mă lu nhôn athei kơkuh kơ Sư? Krao khan apinh Sư đei lơi yua kiơ kơ lu nhôn?”

Jop 22:2

Kon bơngai hăm đei yua kiơ kơ Kră Yang 'Bok Kei-Dei ưh? Bơngai hơgei lăp pơyua ăn kơ sư kơdih đĕch.

Jop 22:4

Hăm trŏ yua kơ ih hli yom kơ Sư, na Sư chrih bơtho ih. Păng sek tơlang ih?

Jop 34:9

Yua kơ Jop khan: ‘Kon bơngai ưh kơ đei yua kiơ, Kơplah sư chơchă tơdrong hiôk chơt lăm Kră Yang 'Bok Kei-Dei.’

Jop 35:7

Tơdah ih 'lơ̆ng tơpăt, ih gô ăn tơdrong kiơ kơ Kră Yang? Kră Yang gô đei iŏk tơdrong kiơ đơ̆ng ti ih?

Horiso 119:59

Inh tơchĕng kơ trong inh, inh gơwĕch jơ̆ng inh gah tơdrong juăt Ih.

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Tơdrông Pơđơk 11:1

Kră Yang ưh kơ lăp ôh kơ 'long kŏng sa pơgâm. Mă-lei plei kŏng trŏ noh sư lăp đon.

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

Tơdrông Pơđơk 12:22

Kră Yang areh kơ lu bơngai pơma hơlĕnh pơdăr; Mă-lei Sư lăp đon kơ lu bơngai pơma tơpăt.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 9:12

Tơdah ih gơh hơgei, đei yua kơ ih kơdih; Tơdah ih blei hiap, sĭt ih gô pŭ hơngiap kơdih.

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.