Jop 2:8 - Sơ̆p Hlabơar Nơ̆r 'Bok Kei-Dei

⁸ Jop iŏk đơ̆ng kơcheh gŏ pơchah na hơkôih akâu jăn sư, sư hơ-oei lăm tơnuh.

Jop 2:8 Iomraidhean Croise

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

Esther 4:1

Kơplah Morđêkai băt đĭ-đăng kơ tơdrong wă truh noh na sư hek ao sư, iŏk su ao 'bi păng pung tơnuh tơ akâu sư, năm tơ tŏk-bŏk pơlei ôr krao păng nhơ̆m hmoi ơh sơ'ngon.

Esther 4:3

Lăm rim tơring mă đei hla bơar pơtao tơtă truh, đei ơh sơ'ngon nhơ̆m hmoi tih lăm adrĕch Juđa, nhơ̆m hmoi ơ̆t kơ sŏng sa ơh sơ'ngon, lơ bơngai su 'bi 'bĭch păng pung tơnuh.

Jop 2:9

Akăn sư khan kơ sư: “Liơ ih oei wei kơjăp lăm tơdrong 'lơ̆ng? Hiap bĕ Kră Yang 'Bok Kei-Dei na lôch!”

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Horiso 38:5

Yua kơ tơdrong yoch inh, Lu rơka inh ôm păng lĕch đak đuh.

Horiso 38:7

Rŏng inh jĭ hang thoi ŭnh sa.a Na sĕch inh pă đei hơnĭl.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Êsêkiên 27:30

Lu sư gô nhơ̆m hmoi păng ơh sơ'ngon kơ ih, chup 'mui teh klă tơ kơ̆l kơdih păng tơglăng lăm tơnuh.

Jôna 3:6

Tơdrong noh kơtơ̆ng truh tơ pơtao oei lăm pơlei tih Niniwe, sư iung weh đơ̆ng anih pơtao sư, plôh lê̆ ao pơtao sư, na hrŭk ao 'bi hơ-oei lăm 'mui tơnuh.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.