Jop 2:5 - Sơ̆p Hlabơar Nơ̆r 'Bok Kei-Dei

⁵ Apinh Ih chro ti pơrăm truh tơ kơting sĕch Jop sĭt sư gô hiap Ih.”

Jop 2:5 Iomraidhean Croise

I Ho 21:17

Đawit Krao Kră Yang 'Bok Kei-Dei: “Hăm trŏ inh athei đe jô̆ kon pơlei? Inh bơih pơm tơdrong yoch kơnê̆ dêh? Bĕ lu triu âu hăm đei pơm kiơ ưh? Ơ Kră Yang 'Bok Kei-Dei inh, apinh ih phak inh păng hnam dơnŏ inh, 'nĕ ăn tơdrong jĭ lôch hơbuh pơm kơ kon pơlei pơla Ih.”

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 1:12

Kră Yang khan kơ Satan: “Âu dôm tơmam sư đei pơjao đĭ lăm tơpang ti e; mă-lei e 'nĕ hơtŭt 'bơm akâu sư.” Na Satan weh hloi đơ̆ng anăp Kră Yang.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 2:4

Satan tơl Kră Yang: “Akar 'mong akar. Minh 'nu bơngai kư̆m gơh jao đĭ mŭk tơmam sư đei wă tơplih iŏk tơdrong arih sư.

Jop 2:6

Kră Yang khan kơ Satan: “'Nâu e gơh pơm kơ Jop mă-lei e 'nĕ kơ pơlôch sư.”

Jop 2:9

Akăn sư khan kơ sư: “Liơ ih oei wei kơjăp lăm tơdrong 'lơ̆ng? Hiap bĕ Kră Yang 'Bok Kei-Dei na lôch!”

Horiso 39:10

Apinh Ih iŏk lê̆ tơdrong teh bơtho đơ̆ng inh. Inh gleh pă kĕ đơ̆ng ti Ih teh bơtho.

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Lêwi 24:15

Păng khan bĕ kơ kon pơlei pơla Isơrael, bơngai hiap Kră Yang 'Bok Kei-Dei sư gô pŭ iŏk tơdrong phak đơ̆ng tơdrong yoch sư kơdih.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.