Jop 2:4 - Sơ̆p Hlabơar Nơ̆r 'Bok Kei-Dei

⁴ Satan tơl Kră Yang: “Akar 'mong akar. Minh 'nu bơngai kư̆m gơh jao đĭ mŭk tơmam sư đei wă tơplih iŏk tơdrong arih sư.

Jop 2:4 Iomraidhean Croise

Bl 47:17

Thoi noh lu kon pơlei pơla ba sem dơrong tơ Jôsep tơplih 'ba sư, hăm aseh, lu triu, khŭl rơmo păng aseh iĕ. Sơnăm noh, sư tơplih iŏk lu kon sem dơrong păng 'ba.

Bl 47:19

Thoi noh mă akâu nhôn mă mir chŭn wă tơhiong 'bơ̆t anăp ih 'bok hă? Tơplih phe 'ba ih hăm bri, mir chŭn hai bĕ. Thoi noh, mă lu nhôn, mă bri mir chŭn nhôn jing đĭch đam Pharaôn. Asong nhôn găr kiơ kiơ bĕ wă rei, wă kơ lu nhôn huay kơ lôch păng lu mir teh huay kơ lê̆ bri.

I Pot 20:31

Lu bơngai jang kơ pơtao khan kơ pơtao: “Lu nhôn kơtơ̆ng đe khan pơtao đe Isơrael đei tơdrong mơnat. Dang ei apinh ih ăn kơ nhôn tơ̆n 'bi tơ kơiĕng păng pơ̆n tơlei tơ kơ̆l đơ̆ng noh yơ̆r ti năm tơ'bơ̆p pơtao đe Isơrael. Rŏ lăng sư kư̆m ăn kơ ih arih mơ̆n.”

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Jop 2:5

Apinh Ih chro ti pơrăm truh tơ kơting sĕch Jop sĭt sư gô hiap Ih.”

Tơdrông Pơđơk 13:8

Bơngai mơdrŏng gơh dŏng tơdrong arih sư; Lu bơngai dơnuh ưh kơ hli nơ̆r đe tơă.

Je 41:8

Mă-lei mơjĭt 'nu lăm lu sư khan kơ Ismael: “'Nĕ pơlôch lu nhôn yua kơ lu nhôn đei phe 'ba tơmam sa ôn lê̆ tơ lăm mir: 'Ba mi, 'ba tơ'bâu, đak rơmă ôliwơ; đak sut.” Thoi noh Ismael ưh kơ pơlôch lu đe noh hơdai hăm khŭl sư.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Mathiơ 6:25

“Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Luka 12:23

'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.