Jop 2:12 - Sơ̆p Hlabơar Nơ̆r 'Bok Kei-Dei

¹² Đơ̆ng ataih, lu sư lăng 'bôh Jop, mă-lei lu sư ưh kơ kơnăl ôh. Lăp lu sư kơnăl kơ Jop bơih na nhơ̆m ôr, hek ao lu sư kơdih, chup 'mui teh săi tơ kơpal păng săi tơ kơ̆l kơdih.

Jop 2:12 Iomraidhean Croise

Bl 27:34

'Nao kơtơ̆ng 'bă sư roi tam mă tôch, na Êsâu nhơ̆m re hơdrĭ hơdrôi ơh khan kơ 'bă sư thoi âu: 'Bă! Apinh ih sơkat hloi kơ inh dơ̆ng hai?

II Sam 13:36

'Nao đang kơ Jônadap pơma, na 'bôh lu kon pơtao truh; lu sư nhơ̆m ôr. Pơtao păng đĭ-đăng đĭch đam nhơ̆m hmoi ôr ơh sơ'ngon dêh tơpă.

Esơra 9:3

Kơtơ̆ng lu nơ̆r noh, na inh hek ao lăm păng ao 'nguaih inh, buch sŏk kơ̆l păng sŏk kang, na hơ-oei ơh sơ'ngon.

Ne 9:1

Năr 'bar-jĭt puăn lăm khei noh, kon pơlei Isơrael akŭm ơ̆t kơ sŏng sa asu 'bi păng pung 'mui teh tơ kơ̆l lu sư.

Esther 4:1

Kơplah Morđêkai băt đĭ-đăng kơ tơdrong wă truh noh na sư hek ao sư, iŏk su ao 'bi păng pung tơnuh tơ akâu sư, năm tơ tŏk-bŏk pơlei ôr krao păng nhơ̆m hmoi ơh sơ'ngon.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Jop 19:14

Buăl juăt tơm achăng lê̆ inh bơih, lu bơngai mă juăt dêh hăm inh kư̆m hiơt kơ inh.

Nhom 2:10

Lu Kră lu kon adruh Siôn tơoei tơ teh ưh pă đei pơma kiơ. Lu sư pung tơnuh tơ kơ̆l, hrŭk 'bi nai pơm hơbĕn ao; Lu kon adruh Isơrael kŭp kơ̆l truh tơ teh.

Êsêkiên 27:30

Lu sư gô nhơ̆m hmoi păng ơh sơ'ngon kơ ih, chup 'mui teh klă tơ kơ̆l kơdih păng tơglăng lăm tơnuh.

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.

Tơdrông Tơ'bôh 18:19

Lu sư chup teh pơnŭk săi kơpal kơ̆l lu sư mơlŭng mơlăng, nhơ̆m hmoi ơh ol pơma ôr pơret khan: “Ô glăi, ô glăi, Pơlei Babilôn pơlei tih-tin, lu bơngai đei duk oei tơ đak dơsĭ mơdrŏng yua đơ̆ng sư, lăm minh jơ đĕch ưh kơ đunh mă hiong đĭ tơmam mơdrŏng, tơmam 'lơ̆ng rŏ.”

Lu 2:4

Lăp linh jang 'lơ̆ng Kră Yang pơma kơ kon pơlei Isơrael tôch boih, na lu kon pơlei pơla nhơ̆m ôr.

I Sam 11:4

Thoi noh lu bơngai đei wơh ei năm tơ Gibêah, pơlei đe Sôl, roi dôm nơ̆r ei ăn kơ kon pơlei pơla kơtơ̆ng. Đĭ-đăng kon pơlei nhơ̆m ôr.

I Sam 30:4

Na Đawit hăm lu bơngai kiơ̆ sư nhơ̆m hmoi, nhơ̆m ôr dĭng pă kĕ kơ hmoi.

I Sam 4:12

Minh 'nu bơngai Bênjamin kơdâu ôn klĕch đơ̆ng anih tơblah, truh tơ Silô lăm năr noh, sư hek hơbĕn ao hiah đĭ, iŏk 'mui teh săi 'bĕnh kơ kơ̆l wă tơ'bôh đei tơdrong sơ'ngon.