Jop 2:11 - Sơ̆p Hlabơar Nơ̆r 'Bok Kei-Dei

¹¹ Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

Jop 2:11 Iomraidhean Croise

Bl 25:2

Sư đei tơpŭ kơ Abraham kon anăn Siram, Jôksan, Medan, Madian, Isbak, Sua.

Bl 36:11

Kon drŏ-nglo Êliphas Têman, Êmar, Sêphơ, Gatam păng Kênas.

Bl 36:15

'Nâu lu yŏng kơdră lăm lu kon sâu Êsâu, lu kon drŏ-nglo Êliphas kon kơdră Êsâu, yŏng kơdră Têman, Ôma, Kêna, Jêphô.

Bl 36:34

Jôbap lôch, Husam, bơngai tơring Têman, tŏk pơm pơtao.

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

I Ho 1:32

Kêtura akăn tuch tuch Abraham, tơpŭ lu kon drŏ-nglo noh: Simran, Jôksan. Mêđan, Miđian, Isbak păng Sua. Jôksan pơjing Sêba păng Đêdan.

I Ho 1:45

Pơtao Jôbap lôch, Husam, bơngai dêh Thêman, iung pơm pơtao.

I Ho 7:22

Êphraim 'bă lu sư, nhơ̆m hmoi đunh măng năr; đei 'nhŏng oh sư năm ngôi pơlung sư.

Jop 11:1

Sôphar, bơngai Naama tơl Jop:

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

Jop 15:1

Êliphas, bơngai Thêman, tơl:

Jop 16:2

Inh đei kơtơ̆ng lơ bơih tơdrong thoi noh: Đĭ-đăng iĕm tă kơ bơngai pơlung pơthim tơblĕk ngăl.

Jop 16:20

Lu buăl juăt inh che bơle kơ inh. Đak măt inh hyôi hyai krao apinh Kră Yang 'Bok Kei-Dei.

Jop 18:1

Bildat, bơngai Sua, tơl khan:

Jop 19:19

Đĭ-đăng lu buăl inh juăt dêh 'brơ̆ kơ inh; Lu bơngai mă inh 'mêm kư̆m pơm plơ̆ kơ inh mơ̆n.

Jop 19:21

Lu iĕm buăl juăt inh, apinh iĕm mơnat 'biơ̆ kơ inh, mơnat 'biơ̆ kơ inh bĕ, yua kơ ti Kră Yang 'Bok Kei-Dei teh inh bơih.

Jop 4:1

Êliphas, bơngai Thêman sư tơl:

Jop 42:11

Đĭ-đăng lu 'nhŏng, mŏ oh sư păng lu bơngai juăt băt kơ Jop đơ̆ng adrol sơ̆, năm ngôi hơpong păng sŏng sa hăm sư tơ lăm hnam sư. Lu sư ngôi hơpong păng pơlung sư gah lu tơdrong truh pơmat mă Kră Yang pơm kơ sư. Rim 'nu kơ lu sư ăn kơ Jop minh kơtuăl jên hub păng minh pôm tơkhiĕn maih.

Jop 42:7

Đơ̆ng rŏng kơ Kră Yang bơtho Jop. Kră Yang khan kơ Êliphas bơngai Thêman. “Inh blĕk kơ ih păng 'bar 'nu buăl ih, yua kơ lu iĕm ưh kơ đei pơma tơpăt gah Inh thoi Jop, đĭch đam Inh pơma bơih.

Jop 42:9

Na, Êliphas, bơngai Thêman, Bildat, bơngai Sua, Sôpha bơngai Naama, chu păng pơm kiơ̆ hloi thoi Kră Yang bơtho pơkă ăn; Kră Yang tơl tơwih nơ̆r Jop.

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Jop 6:19

Lu bơngai mơdro đơ̆ng pơlei Têma chơchă đak Lu bơngai mơdro đơ̆ng tơring Sêba hơmĕng kơ đei đak.

Jop 8:1

Bildat bơngai adrĕch Sua tơl Jop:

Tơdrông Pơđơk 17:17

Buăl juăt băt 'mêm băl ling-lang. Đei 'nhŏng oh noh lăp wă tơgŭm băl lăm đei tơdrong gleh.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Tơdrông Pơđơk 27:10

'Nĕ kơ achăng bôl buăl ih dah buăl juăt 'bă ih, 'Nĕ kơ năm tơ hnam 'nhŏng oh năr ih đei tơdrong gleh pơmat, Bơngai rông 'bôt ih noh 'lơ̆ng hloh kơ 'nhŏng oei ataih.

Êsai 51:19

'Bar tơdrong gleh 'nâu truh bơih kơ ih. Bu gô nhơ̆m hmoi kơ ih tơdrong pơrăm, pơngot rơwĕt păng đao gưm truh kơ ih, Bơngai bu gô pơlung ih.

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Ob 1:9

Ơ char Têman dôm lu linh nuih kơtang ih gô hơwơ̆l hơwang, thoi noh na đe gô pơlôch đĭ lu drŏ-nglo đơ̆ng kông Êsâu lăm ei.

Yo 11:19

Na đei lơ bơngai Juđê đơ̆ng Pơlei Jêrusalem năm ngôi hơpong tơ bre Mathê păng Mari wă kơ bre sư huay sơ'ngon kơ 'nhŏng bre sư lôch.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

Jôsuê 15:41

Gêđêrôt, Bêt Dagôn, Nama păng Makkêđa; đĭ-đăng mơjĭt-tơdrâu tŏ pơlei tih hăm lu pơlei iĕ lu sư.