Jop 2:10 - Sơ̆p Hlabơar Nơ̆r 'Bok Kei-Dei

¹⁰ Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Jop 2:10 Iomraidhean Croise

Bl 3:17

Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’ lăm chăl arih ih athei chu gleh lap na đei tơmam sa kơ ih lĕch đơ̆ng teh.

II Sam 13:13

Inh gô pŭ iŏk tơdrong mơlâu âu mă năm tơ yơ? Na đe gô jô̆ 'nhŏng thoi minh 'nu bơngai kơnê̆ lăm char Isơrael. 'Nhŏng jah apinh 'bă đĕch 'lơ̆ng hloh; 'bă ưh kơ đei sơngah ôh ăn kơ 'nhŏng iŏk oh.”

II Sam 19:22

Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

II Sam 19:28

Tơpă, lu bơngai lăm adrĕch hnam 'bă inh trŏ kơ pơlôch. Mă-lei pơtao ăn kơ inh gơh song sa hơdai hăm pơtao tơ gơ'bang. Lei na, inh wă đei tơdrong kiơ dơ̆ng gơh pơma hăm pơtao?”

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 1:10

“Yua kơ Ih war dur tăp dăr wei-lăng sư, hnam dơnŏ sư păng dôm tơmam sư đei. Ih tuh ăn pŭn kơ tơdrong jang sư păng ăn kơ sư tơmam rai lơ lăm teh.

Jop 2:9

Akăn sư khan kơ sư: “Liơ ih oei wei kơjăp lăm tơdrong 'lơ̆ng? Hiap bĕ Kră Yang 'Bok Kei-Dei na lôch!”

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Horiso 39:10

Apinh Ih iŏk lê̆ tơdrong teh bơtho đơ̆ng inh. Inh gleh pă kĕ đơ̆ng ti Ih teh bơtho.

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Horiso 59:12

Yua kơ yoch đơ̆ng 'bơ̆r lu sư, nơ̆r đơ̆ng hơkŭng lu sư păng yua kơ lu sư pơma blei hiap hăm hơlĕnh. Ăn kơ lu sư 'leh đom lăm tơdrong pơang lu sư kơdih!

Tơdrông Pơđơk 9:13

Drŏ-kăn kơtul kơwao ngăl pơma ôr kư̆ kă, Hơleng ưh kơ băt tơdrong kiơ.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Bôk Bơthô 7:14

Lăm năr hiôk athei chơt, lăm năr pơmat-tat, lăng bĕ. Pŭn hiôk dah pơmat-tat. 'Bar tơdrong noh đơ̆ng Kră Yang 'Bok Kei-Dei ăn.

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 25:2

Lăm lu sư noh đei pơđăm 'nu adruh đĕch kơchăng, pơđăm 'nu adruh ưh.

Yo 18:11

Na Yêsu khan kơ Pêtrôs: “Tah lê̆ dao ih tơ anglop bĕ. 'Bă Inh ăn tơdrong anat anot âu truh kơ Inh, trŏ kơ Inh iŏk boih.”

Rom 12:12

Bơ̆n băt kơ ning-mônh 'Bok Kei-Dei wă ăn kơ bơ̆n oei hiôk jơnap tơpă, na dang ei bơ̆n kư̆m pơm hiôk thoi ning-mônh. Mă bơ̆n đei tơdrong gleh pơmat, mă đe hil areh kơ bơ̆n, bơ̆n kư̆ adrin jang khŏm khŏm đĕch, mă-lei 'nĕ hiơt tơdrong krao khan kơ 'Bok Kei-Dei.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!