Jop 19:9 - Sơ̆p Hlabơar Nơ̆r 'Bok Kei-Dei

⁹ Sư plôh lê̆ tơdrong đe pơư kơ inh păng plôh iŏk môk pơtao đơ̆ng kơ̆l inh.

Jop 19:9 Iomraidhean Croise

Jop 12:17

Sư rôp anhăk phak lu bơngai pơthơr pơm tơdrong kơnê̆. Pơm ăn kơ lu 'bok sek tơlang jing kơtul kơwao.

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Jop 16:15

Inh sĭt 'bi hrŭk pôn akâu inh, inh drap 'bŭ muh măt inh lăm teh rơpŭk.

Jop 30:1

Mă-lei dang ei, lu sư hiĕk ăr kơ inh, lu sư tơdăm 'lơ̆p hloh kơ inh, Mă 'bă lu sư, inh pă jô̆ bơih, wă jang wei triu. Hơdai hăm kŏ inh.

Horiso 89:39

Ih lăng krưp dêh boih kơ tơdrong pơgơ̆p hăm lu đĭch đam Ih. Ih hŭt lê̆ boih môk pơtao tơ teh rơpŭk 'mê̆-'mach.

Horiso 89:40

Ih teh tơlơ̆ lê̆ boih dur sư, pơrăm lê̆ kơđông kơjăp sư pơchah đĭ.

Horiso 89:44

Ih tơhiong lê̆ 'lơ̆ng rŏ sư tơhuŏng lê̆ tang-dŏ pơtao sư tơ teh,

Tơdrông Pơđơk 27:24

Tơdrong mơdrŏng ưh kơ đei oei ling-lang ôh, Mă jing pơtao kư̆m ưh kơ ling-lang mơ̆n.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Hôsia 9:11

Tơdrong ư-ang lu bơngai Êphraim gô păr jăk thoi sem; ưh pă tơpŭ kon, pă đei pơjing hơ'lơ̆p, kư̆m ưh pă đei anăp dơ̆ng!