Jop 17:4 - Sơ̆p Hlabơar Nơ̆r 'Bok Kei-Dei

⁴ Ih ăn kơ đon tơchĕng lu sư ưh kơ hlôh, Na Ih ưh kơ ăn jei lu sư.

Jop 17:4 Iomraidhean Croise

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Jop 12:20

Sư ăn 'bơ̆r bơngai mă đe gơnang kơmlo, păng iŏk lê̆ tơdrong hơgei đơ̆ng lu kră.

Jop 17:5

Bơngai ayơ kêng buăl sư wă lơi yua kơdih. Măt lu kon sư gô bơbôl.

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Rom 11:8

Tơdrong noh thoi tơdrong đe chih roi tơ lăm sơ̆p hla bơar 'Bok Kei-Dei sơ̆ thoi âu: “'Bok Kei-Dei ăn kơ lu sư jing bơngai kơtul. Lu sư đei ră măt ưh kơ gơh 'bôh, đei ră đon ưh kơ kơtơ̆ng truh tơ dang ei hloi.”

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.