Jop 16:4 - Sơ̆p Hlabơar Nơ̆r 'Bok Kei-Dei

⁴ Tơdah iĕm đei tơdrong gleh truh thoi inh. Inh kư̆m gơh pơma thoi iĕm mơ̆n; trŏ kơ inh kư̆m gơh pơma hil plơ̆ kơ iĕm păng tơtreh kơ̆l kơ iĕm.

Jop 16:4 Iomraidhean Croise

II Pot 19:21

'Nâu bơih nơ̆r Kră Yang khan kơ sư: “Adruh hle pơlei Siôn hiĕk pơjăm ih, gah rŏng ih Adruh Hơlai Jêrusalem tơtreh kơ̆l,

Jop 11:2

Hăm trŏ ưh pă gơh tơl dơ̆ng bơih nơ̆r pơma noh? Bơngai 'bơ̆r hơchĕm na jei sư ngăl hah?

Jop 16:5

Mă-lei inh gô pơma pơhiôk jơhngơ̆m iĕm, pơlung iĕm wă kơ jĭ jăn iĕm rai dă 'biơ̆.

Jop 35:16

Na Jop pơih nơ̆r pơma ưh kơ đei kiơ. Pơma lơ mă-lei nơ̆r ưh kơ yua kiơ.

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Horiso 109:25

Inh jing bơngai lu sư pơjăm. Mưh 'bôh inh lu sư tơtreh kơ̆l.

Horiso 22:7

Dah bu 'bôh inh lu sư hiĕk ăr. Lu sư gô pơpơm 'bơ̆r cheng păng tơtreh kơ̆l na khan:

Horiso 22:8

“Sư gơnang kơ Kră Yang, wă kơ Kră Yang dŏng pơklaih sư; Tơpă Kră Yang gô pơklaih sư; Yua kơ Kră Yang 'mêm kơ sư.”

Horiso 44:14

Ih pơm kơ lu nhôn jing đe pơjăm pơđơ̆k tơ jơ̆p teh đak, Kon pơlei, 'bôh nhôn tơtreh kơ̆l.

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Bôk Bơthô 10:14

Bơngai kơtul kơwao juăt kơ pơma lơ, pơma chơgăm; mă-lei, kon bơngai ưh kơ đei bu băt ôh tơdrong kiơ gô truh păng ưh kơ đei bu băt lê̆ adrol tơdrong kiơ gô truh kơ sư đơ̆ng rŏng kơ lôch.

Êsai 37:22

'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Je 48:27

Hăm trŏ lu iĕm sơ̆ kư̆m hiĕk ăr kơ Isơrael? Tam đei đe tơ'bơ̆p rôp Isơrael hơdai hăm lu bơngai tơtông ưh? Lei liơ mah mưh iĕm pơma 'bơm sư iĕm tơtreh kơ̆l che bơle?

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.