Jop 15:21 - Sơ̆p Hlabơar Nơ̆r 'Bok Kei-Dei

²¹ Sư kơtơ̆ng nơ̆r ôr hli ling-lang lăm đon; kơplah oei hiôk-hian, lu bơngai chă pơlôch pơrăm truh.

Jop 15:21 Iomraidhean Croise

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

Esther 7:6

Esther tơl: Minh 'nu bơngai ayăt kơnê̆ noh jơ̆ Haman! Kơplah noh Haman hli dêh 'bơ̆t anăp pơtao păng yă pơtao Esther.

Jop 15:24

Sư hli tơrơ tơdrong pơmat-tat ơh sơ'ngon wă truh, Tŭn drŭt sư thoi pơtao pran kơtang wă tơblah.

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Jop 18:14

Đe puh sư đơ̆ng lăm bơsŭn, anih mă sư oei hơđơ̆ng. Anhăk ba sư truh tơ pơtao hli krưp.

Jop 20:21

Ưh pă đei tơmam kiơ mă oei đei đơ̆ng rŏng kơ sư iŏk đĭ, lei na tơdrong mơdrŏng chơt hiôk sư ưh kơjăp đunh.

Jop 22:10

Kơlih thoi noh, kap đăk tăp dăr kơ ih, Tơdrong hli krưp kơnê̆ gô pơm kơ ih;

Jop 24:17

Gah lu sư măng mu noh kơ 'năr. Yua kơ lu sư pơm buăl juăt hăm tơdrong hli lăm măng mu gueo

Jop 27:20

Tơdrong hli krưp truh tơ lu sư nhen thoi đak lơ̆p; Kial hơbŭt kơmăng puh pơđông lê̆ lu sư.

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Tơdrông Pơđơk 10:24

Tơdrong kiơ lu bơngai kơnê̆ hli hơmơt gô đei truh kơ sư tơpă. Mă-lei lu bơngai tơpăt gô đei thoi sư hơpơi wă.

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Tơdrông Tơ'bôh 9:11

Lu sư đei yŏng pơgơ̆r kơdih, yŏng lu sư ei jĭ yang pơgơ̆r sơlŭng jrŭ, anăn sư lăm nơ̆r Hêbrơ khan Abadon; tơ̆ng kiơ̆ kơ nơ̆r Grĕk khan Apôliôn wă khan yang chă blah pơrăm đe.