Jop 14:7 - Sơ̆p Hlabơar Nơ̆r 'Bok Kei-Dei

⁷ Lu tơnơm 'long đe kăl bơih, kư̆m oei hơmĕng kơ wă bluh dơ̆ng, Tơnơm sư gô chăt bluh tơmơ̆ng dơ̆ng,

Jop 14:7 Iomraidhean Croise

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Jop 14:6

Thoi noh apinh Kră Yang lê̆ pă lăng tơ sư, lê̆ sư hiôk 'biơ̆, Wă kơ sư chơt hiôk lăm năr sư oei arih thoi bơngai jang đei apah.

Jop 14:8

Mă khan rơh sư rai kră lăm teh. Tơm sư lôch kro tơ lăm teh.

Jop 19:10

Sư teh tơpăk inh đơ̆ng puăn pah dĭng inh răm đĭ; Tơdrong inh chang hơmĕng Sư buch lê̆ đơ̆ng rơh thoi đe buch tơm 'long.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Da 4:12

Hla sư 'lơ̆ng plei sư trem, đĭ-đăng kon sem gơh sa plei sư, lu sem bri ngôi tơ ala yơ̆p sư, lu sem păr kôp tơ dơng sư păng lu kon bơngai sĕch akar oei arih đơ̆ng sư.

Da 4:15

Mă-lei, athei lê̆ rơh hăm tơm sư tơ lăm teh, na chô̆ sư hăm glang bơsei păng glang kong, tơ anih tơmăn 'nhĕt hơdrih lăm mir, ăn kơ tŭk jur pơm kơ sư hơiuh đĭ, ăn kơ sư hăm lu sem bri oei hơdai 'nhĕt ala teh âu.