Jop 13:11 - Sơ̆p Hlabơar Nơ̆r 'Bok Kei-Dei

¹¹ Lu iĕm ưh kơ hli tơdrong mơsêh krưp Sư hă? Tơdrong mơsêh krưp đơ̆ng Sư ưh kơ wă pơm kơ lu iĕm hli hă?

Jop 13:11 Iomraidhean Croise

Jop 13:12

Tơdrong pơđơ̆k iĕm thoi 'mui tơnuh đĕch. Nơ̆r iĕm dŏng kơdih 'bônh tơgơ̆ thoi teh lơ̆n.

Jop 13:21

Apinh Ih dui bĕ ti Ih ataih đơ̆ng inh, apinh Ih 'nĕ pă pơm kơ inh hli tơrơ kơ Ih dơ̆ng.

Jop 31:23

Yua kơ inh hli kơ tơdrong răm truh đơ̆ng Kră Yang 'Bok Kei-Dei, Inh hli krưp kơ tơdrong rang mơnhal Sư na inh ưh kơ layơ pơm tơdrong noh.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Le 15:16

Tơdrong hli tơrơ dêh truh tơ lu sư; Ơ Kră Yang! Kơkŏng ti pran kơtang Ih. Lu sư jing kơmlo nhen thoi tơmo, Tơ̆p mă truh layơ kon pơlei Ih yak hlôi; Tơ̆p mă truh kon pơlei mă Ih huai iŏk boih yak hlôi đĭ.

Êsai 8:13

Pôk pơư pơang bĕ Kră Yang Tih Hloh 'lơ̆ng rơgoh, Kră Yang mă lu iĕm athei hli Sư bơih Kră Yang trŏ kơ iĕm hli yom.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.